السلام عليكم ورحمة الله وبركاته
شحالكم يا حلوين ؟!
عساكم الا بخير .. ..
،،
طبعا صارلنا مدة ما طقطقنا ع الكيبورد وانتو أكيد اشتقتولي صح .. >> ،،
..

عاد ندخل في التفاصيل > لانه البعض علق المرة اللي طافت وقالي انت وايد تطوّل في المقدمة وتمزر الموضوع بهارات وتوابل ..(( اليوم نقدم لكم وجبة خالية الدسم )) //
..

أمس كنا يالسين ويا عيال العم والاخوان وندردش عن المواضيع الاجتماعية والاقتصادية (( والعائلية )) يقولون صلة الرحم تطيل العمر (( يعني شكلكم ما بتفتكون مني بسرعة )) ..

المهم ،

سألنا اخوي بما انه كان يداوم في الشرطة ، كنا نسأل عن المواقف الغريبة اللي مرت عليه ..
قال في يوم من الايام .. دخل علينا واحد من الشباب ومعصب ..

..
قال انه فلوسه انسرقت في السيارة ..طبعاً بعد ما سألوه كيف ومتى ووين حطيت السيارة ..الخ
قال انه ما حرك السيارة والمفاتيح عنده وانه هو متأكد من الجاني ..
قال انه شي جني سرق فلوسه //
قاله اخوي لا اكيد تمزح..
قال والله انه سرق فلوسي واباكم تكتبولي تقرير وجذه ويبا يسلمه للتأمين ،
ولا يفتح بلاغ ويتحول للنيابة بخصوص المتهم..

واخوي قاله غير بدل خخ ، قاله والله انه جني وانا اعرفه وهذا دوم يلعوزني ودوم يسرق مني شغلة ولا يطفش فيني ..

واخوي يقول ف خاطره > اوكي والمحكمة منو بيحضرها ؟ ليكون بيوكلون واحد من العفاريت يكون محامي عن القضية .. وهل بيظهرون للعيان ولا بس بنشوف تقارير (( هذا لو عندهم برنتر او يعرفون يكتبون جان زين بعد )).. خخخ
..

المهم بعد نقاشات وجذه حولوه قسم ثاني واخوي طلع خلص الشفت ماله هههه..
ونحن ضحكنا ع السالفة ،،

المهم بعد ما ردينا البيت ..وانا يالس تذكرت قصة صارتلي وانا صغير ،،

<< ردينا ع الذكريات والمواقف ،،

=====================

يقولكم خويكم (مليونير رومنسي) كان محتل مساحة في صالة البيت..
طبعا في آخر الصالة شي مكان 3 قدم × 6 .. > وحاسبنه بعد هع..
ها المكان انا احتليه يعني اغراضي والعابي وكل شي كنت احطه اهني
وممنوع اي واحد يدخل ها المكان …

ولا بتستوي حروب واجتماعات مجلس الامم واتفاقيات تهدئة ..الخ (( وطبعا الى الآن ما نشوف اي نتائج منها سواء في العالم المنزلي او الخارجي )) //

..
المهم الوالد الله يطول بعمره كان معطني 10 روبيات ورحنا الدكان واشترت طبعا عصير الأريج > على ايام اللي ما يشتري ها العصير (( يعتبرونه هب مواطن )) ..
خخخ..
وبعد ما اشتريت يلست في عرشي (( مكاني في الصالة )) خخ..
وحطيت الفلوس الباجية والعصير وقاعد العب..
وطلع رسومي المفضل ( توم وجيري )
ورحت الحق عليه اشوفه..
،،
ولما رجعت

.:.

يا للمفاجأة,,,

خويكم ما حصل اي شي لا فلوس ولا عصائر ولا شي ..
تميت ادور يمين ويسار ..


وين راحن ودورت ف الحجر وماشي ..

،،
ويلست زعلان ياخي كان خاطري في أريج تووت..


والحين منو بيعوضنا .. ع الاقل يشل الفلوس ويخلي العصير هههه..

المهم ..
رحت كلمت اخوي ((( هذا للي يداوم ف الشرطة الحين )) ،
قلتله ياخي جي السالفة ، رد علي قالي : اهااا تدري هاي السوالف اتصير
واللي سرقه هو الشيطان ..

قلتله والله ؟؟ قالي هيه ..هو سارقنه مرات يسرق شغلات وسارق عني (( االأتاري ))..
قلت خوش والله شكله عنده تحدي ..

…
المهم في اليوم الثاني صباح الله رحنا اشترينا العصاير ورديت البيت ويلست مكاني ونسيت موضوع الامس..
ولما طلع الرسوم .. رحت اشوفه ،،

ورديت ..
والمفاجأة الثانية

كالعادة ما بقى اي شي
وين راحن ادور فوق تحت يمين يسار ،، في المخباة في الكرشة وما خليت مكان .. ،،

اخرتها جان اعصب واصارخ يا شيطاااااااااااااااااان لو فيك خير اطلع برع الحين

والله اطلع لو انت ريال >>> مدري جان شي ريايل وحريم عندهم ،،

..

واخر شي رديت الحجرة وانا زعلان ،،
وقررت اني انتقم
ههههه

..
اليوم الثالث ..

عاد قلت اليوم لازم نسويله كبسة ونصيده الشيطان ..
،،
طلبت من ابوي 20 روبية هاي المرة قلنا عشان الشيطان يخترش وما يشرد يشوف الفريسة كبيرة هاي المرة خخخ

> افا عليكم خطيرين في أساليب الاغراء

ورحت اشتريت اريج برتقال ،، وكاكاو وهاي الشغلات
ورجعت البيت ..

ورحت المطبخ شليت ملح ..وحطيته في الأريج بعد ما فتحته شي بسيط ..
وخلطته ومكسته وعقب صكرته


..
تذكرت ترا كانت عندنا خدامة ترش ملح على اطراف البيت تقولي الشياطين يشردون من الملح
..

قلت هاي المرة بخليه يشربه مب بس يشرد منه

..
ورجعت وحطيت الاريج والفلوس
ف المكان ورحت بعيد شوي وتميت اراقب اقول بشوف كيف يشله هاي المرة

//

ربع ساعة
،،
نص ساعة
،،
45 دقيقة

ياخي تعبت وانا واقف واتريا ،،

بدأ الرسوم .. قلت يالله بتم اتريا شوي

ترييت وترييت وما شفت شي ،،

قلت خلاص شكله مأجز اليوم

ورحت اتابع الرسوم ،،
,,,

عقب شوي اخواني دشو وتمينا كلنا نطالع ..
والا فجــاة سمعت صريـــــــــــــــــــــخ

وآآآآآآآآآآآآآآآآآآآآآآآآآآآآآآآآع
صديت ورا والا اشوف اخويه يفر الاريج وويهه معتفس

والا شوية وانقع ضحك
هههههههههههههههههههههههههههه
واقول في خاطري عيل الحين عرفت منو الشيطاآآآن

وهو يتحلفلي ويعصب علي يقولي الله يغربلك يا الهررررررررررررم ،،

وانا طبعا شرردت
واتم اضحك اقول عيل الشيطاان كان يسرق هاااااه ..

،،
وهذه هي القصة وتوتة توتة خلصت الحدوتة

الى لقاء مقبل في مواقف جديدة .،،
..

وتقبلو التحية

اخوكم
مليونير رومنسي

9 thoughts on “[موقف]معقولة :حتى الجن يقومون بالسرقة ؟!!”

  1. ههههههههههههههههههههه

    والله انك سوالف يالمليونير

    لا تقطع ولا تطول علينا

    نترياااا سوالفك الحلوه

  2. مشكور عالمواقف أخوي مليونير

    انتظرني

    بإذن الله بعدما تنتهي أوجاع غــــزة ،،، بحط لكم موضوع فيه مواقف حقيقية حصلت معاي (بخصوص المواقف الغريبه والجن)

    وبإذن الله نصر فلسطين قريـــــــــــب

    أخوكم
    القلم الحر

Comments are closed.