ماااااادري شو سالفتيه ويال التحريات اللي في النمسا وايطاليا 
زخوني مرتين …
عاد انا شو عرفني جان هذا تحريات ولا عادي …
كانت الحرمه في النمسا ت طالعني واطالعها جان ابتسملها .. خخخ على نياتي … تمو يلحقووونا حول ساعه استغربت اطالعهم واصد عنهم … ليــــــــن ما وقفوونا … اثبتنا جوازاتنا وكل شي .. يبون دقه علينا ما حصلو شي
قالوا بنبش اغراضكم نبشوااا ولا حصلو شي … وكل ما تطالعني ابتسملها ماااااالت عليها تطالعني شكلها متحسفه ما لقت شي علينا
ويوووم سرنا ايطاليا وبالتحديد البندقيه … 
مشريه اغراااااض .. وفجأه كنت طالعه من المحل بسرعه لانهم يتريييوني بيروحون عني .. كلــــــــــــهم لابسين جاكيتات سووود ما تعرف انه هذا مال التحريات
وزخووني
ليش طالعه من المحل بسرعه
وخلووني اراويهم الفواتير والتاكسات وابدا” الجماعه مب مصدقين .. وخلاف وديتهم محل محل بس عشان يتاكدون
اقول في خاطريه ما يسوى عليه .. ووديتهم لين صوب هليه اخر شي قالوالنا اثبتو هويتكم
من حوباتي ياهم الزلزال من طلعنا عنهم ياهم .. قلت يعلهم اكثر
ولـــــــــــكن ما توفعت انه نتبهدل في بلاد الغرب
اصراااحه اوصخ بلاد ولاااا افكر اني اسيرلها مره ثاانيه اللي هي فرنسا.. مالت عليهم بهدلونا 6 ساعات لانه شاكين في جواز مزور ومنتهيه صلاحية الويزه… كيــــــــف؟؟ التاريخ مكتوب وانه الصلاحيه بعدها سنتين جدام
ما عرفو شو يسووون قالوا والله في تزوير في الويزه … جيكو عليها انها صح قالوااا عقب لااااااا الجواز مزور
يوم تاكدو من الجواز واثبتولهم … قالووووووووووو ليش هذا الشخص يخطف على الحدود الفرنسيه اكثر من 5 مرات في اقل عن 6 شهور … 
شووووووو يخص هذا في هذا .. المهم انه نتوقف 6 ساعات بس عشان الاستجواااب … حشاااا ما يسوى علينا
اوقح ناااااس شفتهم 
دعيـــــــــــــت عليهم دعا وان شاء الله الله يستجيب الدعوة
انتي شو مسوية في كل مكان يزخونج
يعني مايصلح التسوق إلا في إيطاليا والنمسا وفرنسا محلاتهم موجودة هنا في كل مولات دبي عشان بس تشترون.
الحمدلله ياطويلة العمر يت سليمة وأنا صراحة بعد العنصرية لي شفتها في ملجا باسبانيا مافكرت أزور بلد أوروبي وشلي بعوار الراس والناس متكبرين عليك لا وانت ياي بفلوسك وتبا تفرها عندهم.
مثل ماقال الفريق ضاحي خلفان تميم إلا مابيعاملنا بالمثل مانبا نزوره ولا شعبنا يزور بلاده
ليشش ينعطون فيز مجانية ويوم ايون مثل الاباطرة وجماعتنا ملعوزينهم في المطارات!!
اختي النمسا فيها عصابات فوق ما تتصورين والمافيا مركزها ايطاليا فكوني على ح>ر الرصاصة ما تكلفهم شيء ترا
اعترفي شو شاله من المحل وتربعين شو عندج ؟
سلبتوه مب موصتنج ما تشلين شيء بدون ما اتشاوريني يمكن شيء مب محرز ويزخونج عليه وتعقين عصابتنا في ورطه ^_^
ههههههههه
اشلج تبتسمين وتيبين الكلام لنفسج خلج وغده
مطلوب في ها الزمن ^_^
بس بصراحه
لج وحشه
الله يكون في عونج ،،
وشحقه انتي قاعدة تطالعين الخلق وتبصبصين يمين ويسار اكيد بيشكون فيج خخخخ..
يالله اهم شي رديتو بالسلامة..