السلام عليكم ومساكم الله بالخير،
شو تسوي اذا طلعت من مكان ولقيت شباب او مراهقين متساندين عسيارتك بكل (بجاحه)؟؟؟
قبل نص ساعه كنت في واحه ادنوك الي عالكورنيش اشتري عشا يوم دخلت صوب مكدونلدز، كان في مراهقيين هنوود وبنات انجليزيات يتعشون ومسويين ازعاج بشكل فضيع وملخبطين المكان،
انا كنت ارمس فالتيلفون الريال يقولي مااسمعك حشره. المهم انا قلت حق نفسي(يا غريب كن اديب) والبلاد بلادهم هالمهنده والانجليز ونحن ضيوف فيها عقب ماكانت دار هلي ويدوودي وخلني مسكين وفقير وساكت وابتسم بس.
10 دقايق لين طلبت واستلمت يوم رحت السياره لقيتهم متساندين عليها وحاطين ريولهم عالسياره ومادري شوه، انا هنييه عاد ولعت نار. اشمعنى سيارتي؟؟!! مادري.
المهم طبعا شال في ايدي كيس مكدونلدز كبر كيس الزباله وانتو بكرامه 
. يوم قربت منهم وايد جان افره عليهم بقوه طرااااااااخ ، يا سلام عشاء الشومن مالي راح عالفاضي.<<< الاخ كابامارو
طبعا انا حليلي واحد وهم يمكن 5 جعووور من غير البنات <<< ونحن ناقصين بنات؟؟
انا سويت عمري انالكيس فرط عني وطاح عليهم ( يعني برييء مب عن قصد) جان اقولهم اووووه سوووري فرط من ايدي. تحملو المره الياياه ماييكم الكيس على روووسكم. وروحت
شو رياكم فالتصرف وشو بتسوي لو بدالي؟؟
هو صراحة الرد يوم نقراه مب حلو يا اخوي بابيرو
بس الواحد يوم يكون معصب صدقني يسوي اكثر
بس تراه في نوعين من الهنود وهذا لكل الاعضاء
النوع الاول المسكين اللي ياي من بلاده عشان لقمة العيش الصعبة وعشان يطرشهن لاهله كل نهاية شهر
النوع الثاني متعلم وغني ويعتبر نفسه وااااحد من اهل البلاد وله حق مثلك ويعرف القانون وكل اهله عمه – خاله – يده – يدته – ابو يده – يد يده …………… الخ
انا بخبرك موقفين استون لي مع هالانواع
الاول كان واحد فقير من النوع الاول يالس على البونيت شكله تعبان وياخذ قسط من الراحة على حساب البونيت يوم شفته وكان المزاج رايق عندي بطلت الباب وطلعتله مخدة الصغيرة اللي تنحط ورا الظهر وقلتله دوك كملها نام على البونيت
تم يضحك ويتاسف وروح
الثاني كان واحد هندي من النوع الثاني في السوق انا صفيت والحبيب صف عدالي ويوم بغيت اطلع ما قدرت لاصق فيني اللحين هو اللي صف بعدي يعني هو لازم يعدل سيارته (ملاحظة سيارته كانت برادو الفورويل الهندي المشهور) دقيتله هرن وقلتله بالانجليزي اللغة الام عند الهنود حرك سيارتك ابغي انزل
قالي : اتز يور بروبلم
بالعربي مشكللللللللللللللللللتك
قلتله وات وات اوكي واطلعله من الباب الثاني وما ادري شو اسوي (لاني ضارب هندي قبل وعلي تعهد ودافع 25000 الف ) فما ادري من وين طلعتلي هالفكرة الجهنمية واسير واوقف على بابه باب السائق واوقف هناك ونزل الجامة قالي وتس يور بروبلم يعني بالعربي شو مشكلتك قلتله يو بالعربي انت (مسختها صح )
الموووهم
وبغى يطلع
حرام يطلع هو يفتح الباب وانا اسكره هو يفتح وانا اسكره واقولكم يستعمل الشدة وياي وانا ضاغط على الباب ويوم شفته قابض على الجير ويدز باقوى ماعنده خزت عن الباب وطراخ كفخ السيارة اللي عدالي وعورها وعور سيارته
هههههههههه
الموووهم قلتله
ناو اتز يور بروبلم
بالعربي اللحين هذي مشكلتك
واضحك بصوت عالي ودخلت (وكنا في باركنات السيتي في دبي)
شوي ولا يدق تلفوني والشرطة وياي وتسالني وين انا ؟؟ قلتلهم في السيتي قالولي تعال مكان الحادث قلتلهم (استهبل) عسى ماشر اي حادث
قالولي الهندي اللي اضاربت وياه في الباركنات واللي سحبت بابه بقوة ودقيت فيه السيارة الثانية ( ويهي استوى فيه علامة استفهام)
وسرت ولا الحبيب قالهم اني كنت معصب وسحبت الباب بقوة وعورت السيارة واني سبيت الهندي وهددته بالضرب
لمحت بعيني شي ويت على ويهي ابتسامة خبيثة ( اصورلكم المشهد )
قلت للشرطي توكل على الله وافتح بلاغ
قالي يا ريال بتدش فيها سجن قلتله توكل على الله (مصر على فتح البلاغ واااايد وااااثق من عمري)
ويوم وصلنا المخفر يحايلني الضابط لا تفتح بلاغ بتتحول عقب ما نقدر انسوي شي حاول تتفاهم وياه
قلت ابغي معرووووف وان كنت صدق تبغي الصلح من بينا تقوله انه انفتح بلاغ وانا اوعدك ما بفتح بلاغ بس ابغيك اتسجل اقواله وكلمة شرف منك انك ما تفضحني
قالي اذا ما في شي يخالف القانون ما في مشكلة
وزقر الهندي وقاله فتحنا البلاغ واللحين كل شي رسمي
واخذ المحقق يسجل اقواله ()
قلت للهندي انا سبيتك قال نعم وقلتلي ……….. و ………….. و ,,,,,,,,,,,,,,,,,, و :::::::::::::::::::::::
قلت وهددتك قال نعم وقلتلي ………….. و ………………
وانا فتحت الباب بايدي يعني قبضت الباب بايدي على المقبض وسحبته قاله نعم وبعيني شفتك وخلى ربيعه اللي وياه يشهد والثاني يس ذيس وات هابند إكزاكلي بالعربي صح هذا اللي استوى بالضبط
قلت للضابط سجلت اقواله خله يوقع قاله الضابط واحس انه تخبل تعال وقع وعاد الهندي وقع
قلت للهندي اللحين اقل عن 50 الف ما اقبل تعويض
كل اللي هناك انجلطو ويطالعوني
قلت السالفة وما فيها باركنات السيتي فيها كاميرا مراقبة وهي بتثبت كل شي
وانا رايح اللحين اييبهن
اقولكم الهندي يربع للمحقق ويقول يمكن ما حط ايده يمكن ما قالي شي
والضابط والمحقق يضحكون
واقولكم يلحقني لين برع واقوله اذا ما اخليك تبيع البرادو
ويقول آيم سوري
قلتله يله واركب السيارة والف نص ساعة
وشوي الا الضابط دقلي قالي خلاص ذليته ( واسمع الهندي يقول سوري وآي هاف جلدرن بالعربي عندي يهال)
وارجع واقول حق الهندي لو ابغي آذيك اقدر بس عشان تعرف كرم العرب (عاشت الامة العربية)
وقلت حق الضابط خلاص انا متنازل
شو رايكم
على فكرة انا مافكرت بالخطة كاملة بس فكرة اتجر فكرة
اتريا تعليقاتكم
ويوفقك يالغالي يا ملون المعاني
انتها قلتها ما ينفع معاهم الكلام. المراهق ما يحترم الكلام>>> يحترم الموقف الي يشوفه جدامه.
لا تخاف الكيس عقيته، والاكل الي فيه راح (حيث القت برحلها ام قشعمي) >>> في بطني>> اخر الشهر والمعاش ما نزل فاظين نعق نعمه الله؟؟ لوووول
ماقدر ياختيه ماقدر، العام لف عليه واحد باكستاني بس مجنس بريطاني، جان الف عليه واروح عنه
عقب ساعه اتصلو عليه من مركز الشعبيه قالو عليك شكوى من السفاره البريطانيه
والحمدلله الريال تنازل يوم رحت عندهم بدون اي شي. (بس حبيت ايده وخشمه وراسه وكوعه)
عنبو لو لابخنه بكس ع اسنانه اللبنيه شو بيستوي فيه؟؟
لو قلتلهم كلمتين بأدب , بتعلمهم و تربيهم و تخليهم يستحووون ويعرفون أن في ناس في هذا البلد بعدهم ما تأمركوا
..
أنت قلتها .. مراهقين و مرحلة المراهقة ما تعرف جنسية معينة أو لون معين .. شف بناتنا و عيالنا في المولات و المعارض و كل التجمعات .. شيسوون ؟!!
وعن كيس العشاء , بصراحة حرام اللي سويته , و الموقف أبدا ما يستاهل .. !!
لو كل ما نشوف موقف يفور الدم نعق كيس ماكدونالدز يبالنا بيرمننت كونتراكت مع العم ماكدونالدز
الله يوفقني وياك يا أخي العزيز للخير أينما كان
عليك السلام ختيه رويال
تعرفين قبل كم سنه، عادي تلاقيني من القهر ناقع البوكس ومستوي عنتر زماني واضاربهم روحي،
بس سمحيلي اختلف معاك في تصنيفهم. هذيل هنوود قوم دادي الي فالمدارس الخاصه والبريطانيه يعني (راهيين) اونهم عشان جيه تلاقينهم مرابعين انجليزيات ويعرفون الاتكيت يوم يبون لكن قواه عين وحركات فتوه اونهم. ويعني اهاليهم يشتغلون احسن شغل في بوظبي.
منو وده يحط راسه في راس مراهقين؟؟ انا داخل ال30 يعني ضعف عمارهم. لكن شو بتسوي؟؟ مالك حق تطلع من البيت فالسبوع مره؟؟ لازم هالغزو الي صاير علينا لين صرنا نحن اجانب ووافدين في بلادنا وهم المواطنين؟؟
بس نحن نقول يا غريب كن اديب يوم تسافر بس هم ما يعرفون الادب صراخ وازعاج وتحرش حتى في المواطنين