السلام علييكم

اليوم كنت تعبانه ودايما انا يوم تيني حالة ربو اروح القاسمي لأنه حذالنا اروح حق الأكسجيين ماكمل دقايق وارد المهم رحت الساعه 11 اليوم فليل شفت سيارة اسعاف وناس ويوله ودنيا كانوا يايبين حرمه عوده فالسن فيها القلب والسكر والضغط ويتها جلطه ودخلوها على طول الأنعااش وتموا برع عيالها وريل الحرمه برع يتريوون اي خبر يبرد قلبهم وطول هالمده صياح وصرييخ ..

طلعت ممرضه من داخل وقالت الحرمه توفت ..

تمو يصارخوون ويصيحوون عيالها مستغربيين يقولون كيف ماتت شو السالفه وصكوا الباب عنهم وتمو عيالها يدقون الباب ويصارخوون وااايد عشان يفتحولهم الباب وفتحوا الباب ودخلوا غصب ويوم دخلواا شافوا انه الحرمه وياها بس ممرضيين مافي اي دكتوور ويااها ؟؟؟؟؟؟؟؟؟؟؟؟؟؟؟

هني تموا يسبون ويلعنوون الدكاتره والمستشفى وتمو يدقون الباب مال الطواري لأنه كانوا صاكينه عنهم عشان مايدخلون على الدكتوور ويوم ادخلت الشرطه دخلوا على الدكتوور وكانوا بس دكتورين وكانوا قاعدين عادي يعالجون المرضى يعني ماجنه صاير شي او حرمه متوفيه ؟؟

المهم طوول هاي المده انا واقفه واشوف شوي الا ريل اللي توفت طلع يصاارخ يقووول وييين الدكااتره وكلهم يصارخوون يقولون كييف يعني ميته وريولها تتحرك وتنزف دم وتم يدق الباب وطلع الدكتور يوم رااح يشوفها قال توفت يعني مسكينه هي كانت حيه بس بسبب التأخير توفت واول شي هذا يومها الله يرحمها ..

ويوم دخلت انا يوم يا دوري واقفه اترياهم ينادوني كان الشرطي والدكتور والممرضات داخل ويتناقشون بصوت عالي والشرطي معصب بس اللي قدرت اسمعه شو نقول حق مدير القسم مصيبه هاي شو نقول وين بلاغ الوفاه وين الدكاتره شو نقوول ها اللي سمعته وطلع وهو معصب ..

اللي خلاني اكتب الموضووع شي غرييب ياجماعه يعني كييف مستشفى بكبره مافي دكاتره حق هاي الحالات وين النظام وين الأهتماام والله لامبالاه حتى في الموووووت

حسبنا الله ونعم الوكييل …. !!!

19 thoughts on “موقف صار جدامي في مستشفى القاسمي ؟؟؟”

  1. لا حول ولا قوة الا بالله

    لا حول ولا قوة الا بالله

    المفروض ما يسكتون عنهم ويرفعون عليهم قضية ،،،

    ما يخافون ربهم هذه ارواح ناس ؟؟؟ ،،،

    شو هالاهمال ؟؟؟ ،،،

    الله المستعان

    وقدر الله وما شاء فعل

    الله يرحمها ان شاء الله ويغفر لها
    ويصبر اهلها على مصابهم

    وسلامتج اختي وخطاج الشر

    وربي يحفظكم

    اختكم
    سهمي عالي

  3. الله يرحمها ….. والله لايوفقهم دنيا وآخرة ناس عملت الطب مصلحة حق الفلوس … ما اختلفنا ان الحرمة خالص عمرها وربي يرحمها ويصبر أهلها… بس لازم يسوون شي لازم يجربوا اللي فأيدهم انسان مب حيوان لك حتى الدكتور البيطري مايهون عليه حيوان موجوع ومايقدر يسويله شي … على فكرة بطاقات الضمان الصحي هي سبب بردائة المعاملة من قبل المستشفيات لأنها ماخذة فلوسها سلف بالأول كان اللي عنده مرض خطير يخلص فحصه بنصف ساعة الحين اذا الواحد عنده شي بسيط زكام وغيره بيتريا ساعتين حتى يطلع اسمه

    لا والأفظع انهم خايفين من التقرير … مب خايفين من ربهم

    لاحول ولاقوة إلا بالله العلي العظيم

    مشكورة أختي على هالموضوع وربي يشفيكي وان شاء الله هي آخر مرة تسيري المستشفى حق الاوكسجين

    معافاية أم مايد

  4. مات الضمير ومات كل شي وللاسف

    نسوا كل شيء ونسوا معنى كلمة دكتور

    ونسوا شرف وقسم هالمهنة

    ولا تقولون لا ،، 80 % إذا ما كان اكثر من الدكاترة اللى يشتغلون في مستشفيات حكومية ،، ويستلمون راتب ،، سواء اشتغلوا أو ما اشتغلوا

    مهملين وغير مبالين

    صار كل شيء فلوس × فلوس

    همهم يستلمون الراتب وبس

    الله المستعان

  5. حسبنا الله ونعم الوكيل

    هالمستشفى لو يتسكر احسن

    وايد حالات وشكاوي عليهم

    الله المستعان نمتلك افضل المعدات ولكن للاسف لا نمتلك دكاتره يمتلكون حب المهنه ومايفكرون الا في الزيادات والرواتب

    الله المستعان

Comments are closed.