السلام علييكم
اليوم كنت تعبانه ودايما انا يوم تيني حالة ربو اروح القاسمي لأنه حذالنا اروح حق الأكسجيين ماكمل دقايق وارد المهم رحت الساعه 11 اليوم فليل شفت سيارة اسعاف وناس ويوله ودنيا كانوا يايبين حرمه عوده فالسن فيها القلب والسكر والضغط ويتها جلطه ودخلوها على طول الأنعااش وتموا برع عيالها وريل الحرمه برع يتريوون اي خبر يبرد قلبهم وطول هالمده صياح وصرييخ ..
طلعت ممرضه من داخل وقالت الحرمه توفت ..
تمو يصارخوون ويصيحوون عيالها مستغربيين يقولون كيف ماتت شو السالفه وصكوا الباب عنهم وتمو عيالها يدقون الباب ويصارخوون وااايد عشان يفتحولهم الباب وفتحوا الباب ودخلوا غصب ويوم دخلواا شافوا انه الحرمه وياها بس ممرضيين مافي اي دكتوور ويااها ؟؟؟؟؟؟؟؟؟؟؟؟؟؟؟
هني تموا يسبون ويلعنوون الدكاتره والمستشفى وتمو يدقون الباب مال الطواري لأنه كانوا صاكينه عنهم عشان مايدخلون على الدكتوور ويوم ادخلت الشرطه دخلوا على الدكتوور وكانوا بس دكتورين وكانوا قاعدين عادي يعالجون المرضى يعني ماجنه صاير شي او حرمه متوفيه ؟؟
المهم طوول هاي المده انا واقفه واشوف شوي الا ريل اللي توفت طلع يصاارخ يقووول وييين الدكااتره وكلهم يصارخوون يقولون كييف يعني ميته وريولها تتحرك وتنزف دم وتم يدق الباب وطلع الدكتور يوم رااح يشوفها قال توفت يعني مسكينه هي كانت حيه بس بسبب التأخير توفت واول شي هذا يومها الله يرحمها ..
ويوم دخلت انا يوم يا دوري واقفه اترياهم ينادوني كان الشرطي والدكتور والممرضات داخل ويتناقشون بصوت عالي والشرطي معصب بس اللي قدرت اسمعه شو نقول حق مدير القسم مصيبه هاي شو نقول وين بلاغ الوفاه وين الدكاتره شو نقوول ها اللي سمعته وطلع وهو معصب ..
اللي خلاني اكتب الموضووع شي غرييب ياجماعه يعني كييف مستشفى بكبره مافي دكاتره حق هاي الحالات وين النظام وين الأهتماام والله لامبالاه حتى في الموووووت
حسبنا الله ونعم الوكييل …. !!!
اسمحلي أخوي، كلامه صحيح، إذا عالج حالتك اللي غالبا ليست بطارئة، ممكن يعيقه عن حالات أخرى طارئة!!
كل شي متوقع في المستشفى القاسمي
انا دخلت عندهم الطواري كان يوم الجمعه الصبح من شهرين تقريبا
دخلت عند الدكتور
اول مادخلت سالني انته مسوي حادث ؟؟
قلتله لا انا فيني حمى وحرارتي مرتفعه
قالي اسمحلي مابنعالجك !!!
استغربت قلتله ليش ؟؟!
قالي احنا مسمينه قسم الطوارىء يعني اذا سويت حادث تعال ؟؟
قلتله يعني اسير اسوي حادث وارجع
قالي هيه اذا سويت حادث بنعالجك
قلتله منو اللي منزل هالقرار
قالي سير اشتكي في وزارة الصحه اذا مب عايبنك القرار هذا
يعني لو الواحد بيموت وماكان مسوي حادث مابيعالجونه في قسم الطوارىء
السلام عليكم ورحمه الله وبركاته
رحمها الله في البدايه ….
واصبر الله اهلها على فراقها …
انا يا اختي استوت معاي نفس الحركه .. لكن في بوظبي .. داعم واحد بالغلط … وشليته في سيارتي اول ما دعمته علشان الحقه والمستشفى كان الشارع الثاني .. يعني مافي دقيقتين لين ما وصلت .. اول ما وصلت ازجر عليهم في ريال مسوي حادث بيموت .. محد معبرني ولا كان المستشفى فيه حد .. وبالنهايه طلعت فلبينيه مع ممرض .. ولين ما حصلو العربه .. قبل ما توصل العربه لين السياره .. ماسكني الشرطي .. تعال وكيف موته وكيف مادري شو … يعني ما اهتمو بحال المريض اهتمو فيني انا يلي مافيني شي وكاني مسوي جريمه .. لين ما دخلوه الريال .. انا جلست برا انتظر دكتور يدخل 15 دقيقه لين ما وصل دكتور بارد .. دخل
وطلع وقال الريال توفى …….
صحيح انه قدره ونصيبه … ولكن السؤال الذي يراودني منذ سنين ….
هل لو كان استقبال الطوارئ مثل العالم والناس .وفيه اهتمام كانو تلاحقو الريال ؟
للأسف العلاج عندنا في الدوله في هبوط مستمر ..احسن أبنيه ..احسن أدويه ..احسن أجهزه حديثه ربما غير متوفره لدى باقي الدول ..ولكن الشيئ الوحيد الغير متوفر … الرحمه ..والأيدي العامله الخبيره المهتمه ….
ما اقول غير الحمدلله على كل شي ..
لا تستغربين كل شي جايز عندنا … مافي لا رقابه ولا محاسبه ولا مسئول يتتبع سير العمل ….
يعني في الخارج عندنا يكون هناك اي حاله وفاه .. ( اي حاله وفاه ) في مستشفى يتم التدقيق في الاسباب المؤدية إلى هذه الوفاة .. هل هي اسباب طبيعيه ام خطأ من الكادر الفني . ام تأخر في الإجرائات وتتم المسائله بناه على ما توصلوا اليه من معلومه ..
نحن عندنا هالشي ؟ يعني حد سمع بدكتور تتم معاقبته بسبب تعاقصه عن العمل ؟
كثير ممكن يقولوا والله زحمه
ارد اقول انزين مكثر الدكاتره عندنا … وينهم ؟
كثير يقولوا مساكين طول الليل سهرانين وتعبانين … إنزين هذا عملهم ترا ولهم عدد معين من الساعات
لكي يعملها . وين الخطا يعني ؟
وشكرا
اصلا نحن من زمان مسمينه مستشفى الموت…
للأسف الشكاوري يوميه في البث المباشر على المستشفى، من نقص في الكادر الطبي وأنتهاءا بتعطل الأجهزه
الله المستعان