السلام عليكم
بدش في الموضوع على طووول >>>> مب متعوده تكتب مواضيع 
انا مقهووووورة من موقف استوالي اليوم في اللولو سنتر مال الوحده مول
انا متعوده اشتري كل اسبوع فاكهه احبها اتمنى الكل يعرفها واللي هي البوروجو (بحاول انزل صورة)
كل اسبوع اخذها ب 12 درهم للكيلو
رحت الله يسلمكم ها الاسبوع وقاعده توزن لي الفلبينية جان ينكتب عندها 89.90 درهم!!!!!!!!!!!!!!!!!!!!
قلتلها لوسمحتي ترى في خطأ في السعر قالتلي لا هذا هو السعر ها الاسبووووووع!!!!!!!!!!!!!
قلتلها ازقريلي المدير… قلت له توني الاسبوع اللي طاف ماخذه الفاكه ب 12 درهم ها الاسبوع 89.9 درهم شحقه
قال ترى هاي يايه بالطيارة من امريكا!!!!!! قلت له ما اشوف ينحان الطيارة 
وانا شو دخلني… جان يبتوها بالباخرة!!!
جان يضايق وقالي هذا اللي عندنا والسعر تغير وجان تبينها شليها
جان اقوله لا خليها يمكن الرئيس الامريكي خاطره ياكل بوروجو ها الاسبوع
جان يطالعني بنظرة بغا يطيرني من مكاني 
… قلت له ببلغ عليكم قالي اللي تبين تسوينه سويييه
صدق قهههههههههههههههرررررر عنبوه من 12 ل 89.90 درهم الا فاكهه هي وليش يعني ها الاسبوع يابوها بالطيارة وليش الاسبوع اللي طاف كانت ب 12 درهم!!!!!!!!!!!
يوم بينزلون سعره عزمينا عليه انا ماجربته قبل
لاتسكتين عليهم بلغي وزارة الاقتصار وشوفيهم
شو يقولون لج
لووووووول حتى الجرجير يمدحونه
مشكووور مشرفنا ع الصور
زعلت يوم شفت الصورة وانا ما خذتها ها الاسبوع
تواصلي مع جمعية حماية المستهلك
خليهم يشوفوا الزياده هذه !!!
والله يعينك
والفاكهة طيبه ومفيده
دمت بود
عليكي بالجرجير الربطة تسدلها عشرة بدرهم
واحد و فلوسك بتم في مخباج .