[موقف] غلا ام خالد من النحاسة حسب رواية سلبت الروح !!

مساء النور والسرور اعضائنا واخواننا الطيبين
..

طبعا الموضوع انه اخوكم مليونير كان محصله 10 دقايق فرصة يترك فيها اشغاله والبزنس الخاص فيه ويريّح باله .. فقلنا نستغل الوقت هذا ونتمشى نشوف احوال الرعية خارج القصر
..
وبينما انا كذلك > .. حصلت اوراق قاعدة تتطاير فوقي ولما بغيت اشوف المصدر لقيتها تتطاير من شرفة احدى الفلل الكبيرة الموجودة في المنطقة ..
” الظاهر انه احد الاخوان كان ناسي كراسة مذكراته صوب الجامة في ها الجو وبالتالي الاوراق تقطعن وتطايرو في الهوا ”

حاولت امسك الاوراق ولكن ما قدرت الا اسحب ورقة وحدة احتفظت فيها وكانت مذكرة لاحد الاشخاص معنا في المنتدى ولكن ماعرف من هو بالضبط لهذا قلت بخبركم شو كان مكتوب في المذكرة واللي يحس انه الورقة خاصة فيه هو يرجع يتواصل وياي عشان اطرشله على طبق من ذهب محفوظة بعناية..

عموما نرجع نقولكم المكتوب ،،

مذكرات (سلبت الروح)
في شهر / ## / 2009

العنوان ” ذكريات صديقتي ” غلا ام خالد ” مع آفة النحاسة ”

….
الموضوع
….

إييهااا والله ايآم وانا اتذكر ربيعتي غلا ام خالد ..قبل ما اتعرف عليها كانت غلا ام خالد مصابة بالنحاسة
لدرجة انها كل ما تحاول تتوظف مكان ما تنقبل وتفقد صديقاتها ودوم تتشاجر في البيت لاسباب تافهة وكانت معروفة في القرية انها منحوسة ..

قررت غلا ام خالد انها تسافر لدولة ثانية عشان تفتك من هاي العقدة ..
،،

اثناء ذلك وفي الطياررة .. مروو بمطب هوائي واختضت الطيارة وصار عطل فني في التحكم
وقال القبطان انه الطيارة صارت ثجيلة شوي ولازم ننزل شوي اغراض وننزل واحد من الطيارة
((الظاهر قوم فاء وسهمي عالي وروعة كلهم كانو في الطيارة لهذا صارت ثجيلة من الاوزان الثجيلة خخ))

،،
وقال عشان ما نظلم حد بنسوي القرعة واللي بيي عليه الدور ينزل ..

طبعا غلا ام خالد عرفت شو راح يكون مصيرها قبل القرعة خخخ

قالت لا انا لا تدخلوني القرعة وياكم لاني عارفة نفسي انه الدور بيطيح علي

قالو ما عليج خلينا نجرب سبحان الله هب دوم تصيب .. يمكن اتخيب..

قالت يالله نتوكل ونشوف..

اول مرة .. في القرعة طلع اسم غلا ام خالد.. قالو حليلها هاي بنت وشوي بتسوي لو نزلت بروحها خلونا نعيد القرعة ..

مرتين وثلاث .. ماشي فايدة كل مرة اسمها ..قرروو انهم ينزلونها لانه ماشي فايدة لازم ينقذون بقية الركاب ..

..
وطبعا قبل لتنزل شافها كبير المستثمرين المشهور بكرمه وطيبته ..
وقالها شوفي انا توني ياي اتعشى سندويتش كباب بس الظاهر انتي بتكملين المشوار بروحج وما عندج لهذا انا بؤثر على نفسي وخذي السندويشة لج ..

” بصراحة عيني دمعت وانا اكتب ها الكلام عن كبير الطائي قصدي كبير المستثمرين “

،،
المهم طبعا غلا ام خالد ما تودر اي ” عرض مجاني ” لهذا خذت السندويشة ونزلت ،

وهي تمشي في الغابة
حليلها ويالسة تلعن النحاسة وتقول ليش دوم جذه حظي وهي طبعاً تقضم سندويشة الكباب

وسبحان الله حصلت جدامها مصباح سحري ، قالت يآآه شكله الحظ بدأ يتبدل عندي..

فركت المصباح وجان اتشوف يظهرلها الجني المارد..

وقالها “ شبيك لبيك واللي تطلبينه بيصير بين يديج “

فرحت غلا ام خالد وقالت :

شكرا والله بصراحة ما بتقدر تشوف شو كثر وناستي لما حصلتك .. انا ابغي منك امنيتين فقط..

ابغيك تشل عني هاي النحاسة اللي لاصقة فيني ،،

وثانياً ابغيك تردني لبلادي لاني بصراحة تايهة اهني وماعندي طريقة ارد ،،

وبكون لك متشكرة جداً

..

قالها الجني : ولا يهمج اعتبري النحاسة بتخوز عنج
اما عن الرجعة بس غمضي عينج 3 دقايق وبتشوفين عمرج وصلتي بلادج..

والبنت على نياتها على طول صكرت عينها وهي تترقب تشوف ربيعاتها واهلها باحر من الجمر

،،

بس تتوقعون شو صار؟؟

> >
> >
> >
> >
> >
> >
> >
> >

>>
>>
>>
>>
>>
>>
>>
>>
>>
>>
>>
>>
>>

الجني خذ سندويش الكباب وشرررررررررد

> ياهي نحاسة مالها حل
هههههههههههههههههههههههههههههههههههه

،،

..

والسموحة يا حلوين وعن الزعل تراها سوالف ونستسمح من اللي ذكرنا اساميهم وان كنتو مش راضين طرشولنا رسالة خاصة عشان نغير المسميات مستعد اخلي القصة كلها باسمي انا
اهم شي انتو ما تزعلون ..
،،

وثاني شي لا تلوموني ترا انا حصلت الاوراق بين ملفات سلبت الروح يعني زخوهاا هي هههه

وترقبو المغامرات الجديدة مع اخوكم
مليونير رومنسي