موقف مؤسف لتشويه صورة المرأءه الاماراتيه في الخارج

كيف حالكم اخواني واخواتي والله لكم وحشه

بحكي لكم قصة صارت قدام عيني محد قال لي .. يعني شفتها بنفسي وما قبلت الي صار لا على اخواتي ولا على نفسي ولا على ارض الخير ( دولة الامارات العربية المتحدة ) في الفترة الي طافت كنت مسافر لغرض خاص في احدى الدول العربية

وفي يوم نزلت المطعم في مدينة أشبه بأن تكون بالريف ( يعني مب مدينة كبيرة جداً ولا هي قرية صغيرة جداً )

المهم كنت بأخذ الغذاء بنفسي وبطلعه الفندق .. طلبت الوجبه المعينه وكانوا يجهزونها

لما طلعت من غرفة زي الكابينه الصغيره الي تعتبر مكان مخصص لغذاء العائلة وطلع معها واحد من العاملين في المطعم وهي تمازحه بشكل يثير الريبة وغمز وضحك ووصلت لدرجه مزح باليد

استغربت كل هذا يصير قدام العاملين بالمطعم وقدام الزبائن .. زين سويت نفسي ما شفت شيء .. كان اتيي عند الي يحاسب الزبائن وتطلب وجبه اربعه اشخاص وتعطي العامل الي نزل معها من الكابينه قرابة 50 درهم ( مدري اقول عنها اكراميه او شو )

وتطلب الحساب والريال المحاسب يقول لها لا تدفعين خلاص انتي صرتي معروفه لنا وحياج بأي وقت << طبعاً الكلام مب بهاللهجة بلهجتهم هم بس انا قلت المعنى

المهم دفعت اضافيه 100 درهم زيادة قالت له لعيونك انت بعد

قال لها الف شكر يا قمر قالت له الله يخليك يا قلب <<< عاد زاد عندي الضغط

المشكلة مب هني المشكلة نظرات المطعم كلها عليها وانا واقف انتظر طلبي يخلص

عطوها طلبها وهي نازله يلست تضحك معهم وتغمزهم

قالوا لها على فكرة القمر ما قال لنا من وين ؟ قالت لهم من الامارات

من شدة غيضي من حركاتها ما تمالكت نفسي

ودار بيننا هالحوار

قلت لها عفواً شتقولين ؟

قالت شدخلك انت ؟

قلت لها شهالمصاخه الي تسوينها ؟ وشو دخل الامارات في هالتصرفات الغبيه الصادرة منج ؟

قالت انا اماراتيه اباً عن يد

قلت لها الامارات متبريه منج اذا فعلا انتي اماراتيه

وانتي من لهجتج ومن شكلج وكلامج وطريقتج باين عليج انج من الجنسية الفلانية

فلا تدخلين الامارات بمصاختج

المهم قالت لي شوف انت شكلك مب نافع معاك الطيب

رديت عليها ووين الطيب من اول واي طيب تتكلمين عنه

الله يستر عليج بس لا اتييبين طاري الامارات على لسانج بهالمصاخه الي سويتيها داخل المطعم

قالت عادي وانا اكرر هالشيء ومب شغلك

قلت اوكي براحتج وحسبي الله عليج

الله يقتص منج من المحاولات الي تسوينها في محاوله تشويه صورة البنت الاماراتيه خارج الامارات

وهالشيء مردود عليج وعلى تربيتج على فكرة ترا عارف شو جنسيتك ولا يغرك المظهر الي انتي مسويته على اساس ان الناس تقول انج اماراتيه

باين انج مقيمه مب اكثر

قالت هيه مقيمه ومب دخلك لانك بعد مب اماراتي

قلت لها بس اقول الحق

وانتهت المحادثة بتدخل الحرمه الكبيرة في السن الي كانت معها

بس الي براسي للحين ليش هي تسوي هالشيء ؟ هل هو حقد ؟ وليش بالذات بنت الامارات ؟

وشكلها مب اماراتيه ابداً حتى لهجتها مكسسسسسسسسسسره وامها الي كانت معها لهجه غيييييير

فمادري انا ظلمتها ولا ردي كان مناسب لها ؟

للعلم واحد من عمال المطعم ياب سبه مب حلوه عليها

قال ******كلام تم تشفيره******* وقال شدخلنا يكفينا نحصل من وراها الي نحتاجه من فلوس وغيره

والله طلعني مقهور وحتى نص الطلبات الي كنت بطلعها معاي من المحل الي جنب المطعم نسيتها