في طريقي من الشارقة راد العين الساعة 5:00 العصر تقريبا (واللي عنده خبره في شارع الامارات وبالذات اللي في الشارقة اللي في حياتي ماكرهت شي كثر ماكرهت هالشارع كان زحمة ) تميت ساعتين ونص في هالشارع
شفت زوج وزوجته ( طبعا مب متأكد 100% في 100% انهم زوج وزجته بس كل شي كان يوحي بهالشيء) عمرهم مابين 40 50 سنة كانوا في سيارتهم يمشون معاي في هالزحمة وكانوا منزلين الجامات ( لان الجو حلو)
تعرفوا اني تميت اراقبهم طول هالساعتين والنص !!!!!!!!!!
ليش ؟؟؟ لانهم كانوا…………….
ساكتين
لانهم طول هالساعتين ما تكلموا مع بعض ولا كلمة مع ان البعد مب اكثر من شبرين
قلت يمكن زعلانين مع بعض بس ماكان شي يوحي انهم زعلانين من بعض
قلت يمكن يسمعون شي في الراديو او المسجل بس كنت قريب منهم ومنزل الجامة ما كنت اسمع شي
ماكانوا يحطون عيونهم في عيون بعض
وكانت الحركة اللي عرفت منها انهم مب صم بكم انه حد سوى تلفون حق الريال وتكلم وياه شوي وعطا حرمته التلفون وهي كلمت المتصل وسكرت التلفون وردته حق ريلها بطريقة عادية
استغربت واايد سمعت وااايد عن البرود في حياة المتزوجين لكن عمري ما شفته اوحسيته الا لما شفت هالاثنين
انا متزوج الموقف خوفني من المستقبل كيف الانسان اللي كنت تحبه اكثر من نفسك يستوي في يوم غريب
قريت عن موضوع البرود صدقوني ان الاحصائيات في هذا الموضع مرعبة
فحبيت تشاركوني في هالموضع بآرائكم من المسؤول وشو الاسباب وشو العلاج
فعلا يا خوي المصريين عليهم خفة دم تهبل ما شاء الله عليهم
والله يرزقك وحدة ثانية ياربي ^^
بالتوفيج
وخير الكلام ما قل ودل
ترى لا يغركم انا ثرثااااره وااايد
ههههههههههه
يا أخي الله يهديك
واحد يالس ساعتيين في الزحمة وأكييييد ما كل هوااا وطالعة من عينة
شو تباه يسوي ؟؟؟
زين منهم يوم تمو ساكتيين …. قبل لا ينقع البكس
ياحليلهم اخواننا المصريين ..
توصل أعمارهم تسعين سنة ، ويتمون طول الوقت (ياحبيبي ياحبيبتي ياروح ألبي …)
الصراحة هم يعتبرون قدوة في مثل هذي الأحوال..
أما ربعنا ،، الله يستر
طرفة:
شايب يبا يتغزل فزوجته ، قالها : يا ظبية..
قالت : لا أنا غزالة..
قال : المهم وحده من هالحيوانين!!
^^ على فكرة السكوت في بعض الأحوال أحسن من الكلام السيء..
بس ساعتين ونص ، أعوذ بالله..
لو بيدي بصدر حكم على هالريال انه يتزوج وحده ثانية ، بتشوفون ذيك الساعة كيف بيستوي رومنسي…
طبعاً أتمنى له الخير ، عشان الله يرزقني مثلة (وحده ثانية)…خخخ
ههههههههه
مب شرط بالعكس اليوم الجمعة والمتزوجين فبيوتهم ههههه الطلعة يوم الخميس الطلعة ههه لوووول
امممم بعدني مب متزوجة
بس احس اللي جي حياته الله يعينه لانها كلها كآآبة فحزن فهالسوالف ههههه
المفروض من الزوجة او الزوج يفتحون موضوع نقاشي او حتى يسولفوون او يرمسون عن عيالهم او موقف استوالهم فهاليوم يعني اي شي …
المفرووض ما يكون الجو جي خيبة ساعتين بدون ولا كلمة احس بموت لو ما رمست كل خمس دقايق ههههه >> واايد اهذرب هههه
عالعموم الله لا يبلينا ولا يبليكم ويسعد الكل ياربي فحياته الزوجية …
^^