في طريقي من الشارقة راد العين الساعة 5:00 العصر تقريبا (واللي عنده خبره في شارع الامارات وبالذات اللي في الشارقة اللي في حياتي ماكرهت شي كثر ماكرهت هالشارع كان زحمة ) تميت ساعتين ونص في هالشارع
شفت زوج وزوجته ( طبعا مب متأكد 100% في 100% انهم زوج وزجته بس كل شي كان يوحي بهالشيء) عمرهم مابين 40 50 سنة كانوا في سيارتهم يمشون معاي في هالزحمة وكانوا منزلين الجامات ( لان الجو حلو)
تعرفوا اني تميت اراقبهم طول هالساعتين والنص !!!!!!!!!!
ليش ؟؟؟ لانهم كانوا…………….
ساكتين
لانهم طول هالساعتين ما تكلموا مع بعض ولا كلمة مع ان البعد مب اكثر من شبرين
قلت يمكن زعلانين مع بعض بس ماكان شي يوحي انهم زعلانين من بعض
قلت يمكن يسمعون شي في الراديو او المسجل بس كنت قريب منهم ومنزل الجامة ما كنت اسمع شي
ماكانوا يحطون عيونهم في عيون بعض
وكانت الحركة اللي عرفت منها انهم مب صم بكم انه حد سوى تلفون حق الريال وتكلم وياه شوي وعطا حرمته التلفون وهي كلمت المتصل وسكرت التلفون وردته حق ريلها بطريقة عادية
استغربت واايد سمعت وااايد عن البرود في حياة المتزوجين لكن عمري ما شفته اوحسيته الا لما شفت هالاثنين
انا متزوج الموقف خوفني من المستقبل كيف الانسان اللي كنت تحبه اكثر من نفسك يستوي في يوم غريب
قريت عن موضوع البرود صدقوني ان الاحصائيات في هذا الموضع مرعبة
فحبيت تشاركوني في هالموضع بآرائكم من المسؤول وشو الاسباب وشو العلاج
الحل هم انك تتزوج وحده ثانية ………. اليديدة بتسولف وياك و القديمة بتسولفلك عن مشاكلها ويا اليديدة …يعني تضرب عصفورين بنعال واحد.
يمكن…….؟؟
بس ساعتين ونص ولا كلمة
خل الناس في حالها و لا توايج عليهم
وانت شو دخلك تراقبهم ! ههههه
يمكن يفكرون
هو: انا شو اللي خلاني اغلط هالغلطه واقولها بوديج بيت اهلج ؟ لا و يينا بعد عن طريق الشارع بين دبي والشارقه ! وفي هالوقت .. اما اني صدق غبي ! اخ لو بس في يو تيرن قريب !
هي: اكيد الحين كارهني وما يبا يشوف رقعة ويهي .. كان يبا يطلع مع ربعه وانا اصريت عليه يوديني بيت اهلي وعلقنا في هالزحمه من ساعتين .. كيف بيكون شعوره اذا وصلنا بيتهم وعرف انهم مب موجودين اصلا !! الله يستر
هههههههههههههههه شكلي بتم على فكرتي ولا بتزوج ولا شي
خلاف اتم صاخه وهو صاخ
عنبوه شو ها البرود
يعين المتزوجين الي شراتهم