في طريقي من الشارقة راد العين الساعة 5:00 العصر تقريبا (واللي عنده خبره في شارع الامارات وبالذات اللي في الشارقة اللي في حياتي ماكرهت شي كثر ماكرهت هالشارع كان زحمة ) تميت ساعتين ونص في هالشارع
شفت زوج وزوجته ( طبعا مب متأكد 100% في 100% انهم زوج وزجته بس كل شي كان يوحي بهالشيء) عمرهم مابين 40 50 سنة كانوا في سيارتهم يمشون معاي في هالزحمة وكانوا منزلين الجامات ( لان الجو حلو)
تعرفوا اني تميت اراقبهم طول هالساعتين والنص !!!!!!!!!!
ليش ؟؟؟ لانهم كانوا…………….
ساكتين
لانهم طول هالساعتين ما تكلموا مع بعض ولا كلمة مع ان البعد مب اكثر من شبرين
قلت يمكن زعلانين مع بعض بس ماكان شي يوحي انهم زعلانين من بعض
قلت يمكن يسمعون شي في الراديو او المسجل بس كنت قريب منهم ومنزل الجامة ما كنت اسمع شي
ماكانوا يحطون عيونهم في عيون بعض
وكانت الحركة اللي عرفت منها انهم مب صم بكم انه حد سوى تلفون حق الريال وتكلم وياه شوي وعطا حرمته التلفون وهي كلمت المتصل وسكرت التلفون وردته حق ريلها بطريقة عادية
استغربت واايد سمعت وااايد عن البرود في حياة المتزوجين لكن عمري ما شفته اوحسيته الا لما شفت هالاثنين
انا متزوج الموقف خوفني من المستقبل كيف الانسان اللي كنت تحبه اكثر من نفسك يستوي في يوم غريب
قريت عن موضوع البرود صدقوني ان الاحصائيات في هذا الموضع مرعبة
فحبيت تشاركوني في هالموضع بآرائكم من المسؤول وشو الاسباب وشو العلاج
الصراحة يوم بتيلس مع حرمتك في السيارة يوم بكون عمرك ما بين (40-50) إن الله أحياك وأحيانا
تعال خبرنا شو استوا
هي بس ساعتين ونص ولا كلمة
ولا كانهم متعودين على هالسكوت
عادي تحصل
يعني انا اول ما عرست خخخخخخ كنت ما اتكلم
وليــــــــــــــــــــــــن اليوم
سكوتي اكثر عن كلامي …
الحمدالله بالسكوت
اقهر كل حاقد على سلبت الروح … لووووووووول …
بس ها لو ما كرهتج عيشتك
