ميزانيتي 220000 الف وابغي مشورتكم ياطويلين العمرر بالموتر المناسب

24 thoughts on “ميزانيتي 220000 الف وابغي مشورتكم ياطويلين العمرر بالموتر المناسب”

1. الـ220 تيب لك مواتر وايد صالون وفورويل و2010 ليش تبا مستعمل وموديله بيخطف عليه 3 سنين عقب كم شهر ؟

   حدد انته شو تبا والشباب مابيقصرون بس خلك بعيد عن المستعمل حرام تحط فيه زود 100

   مشكور اخوي على الرد بس ابصراحة المواتر الزينة اسعارهن فوق ال 300 الف ومالي عير المستخدم خاصة اذا بشتري 460 ls بحصله بهاي الاجيام .

2. السلام عليكم
   عليك بالجديد حرام عليك تحط هالمبلغ في موتر مستخدم حتى لو 6 شهور
   الجديد وبس وأنت حر هذى نيحه أعمل بها لنفسي وما أبغى منك غير الدعاء في ظهر الغيب

   كلامك على العين والراس بس اذا المستخدم انظيف شو بيفرق عن اليديد بالعكس بيطيح وايد من سعره اذا بتاخذة يديد

3. خذلك النيسان اليديد

   موتر شكله يديد ويسوى

   بتحصل للي 320 هورس بور فول ابشن تقريبا بنفس المبلغ اللي حاطنه

   مشكور اخوي على الرد وبصراحة انا مب مقتنع بالنسيان من خلال تجربة ( ابصراحة اريد موتر يتميز بالفخامة – التماسك – الجودة – الصيانة )

4. اخوي اذا تباااا الشور خذ لك استيشن فل ابشن 2010 مستخدم اتحصله بهاااي المبلغ الي حاطنه وربي ايوفقك بالموتر

   مشكور اخوي على الرد … ااناا خاطري بموتر سيدان احسه افضل من الاستيشن من ناحية الراحة والسواقه

5. 1 جيب انفنيتي 35

   2 جيب مرسيدس بنز 350 ml

   3 انفنتي m45

   السيارات موديل 2010 على الزيرو
   اسعارها 220 الف

Comments are closed.