ابصراحة ناوية اشتري سيارة اتكون فخمة ومريحة وماتزيد جيمتهاا عن 230000 كحد اقصى
بغيت مشورتكم وأرائكم شو من السييياير اشتري فديتكم
أختكم
شيخـ الزين ـة
63 thoughts on “ميزانيتي 230000 ابصراحة محتارة ومب عارفة شو من السيايير اشتري”
Comments are closed.
جاري المتابعه لووول <<<فضول
اختي الكريمه
عندج مبلغ محترم وييب لج سياره محترمه
ففكري عدل وسوقي اي سياره عاجبتنج قبل لا تشترينها يمكن تغيرين راييج 180 عنها بلحظه اذا سقتيها
يعني المسأله يبغيلها صبر وتفكير ومشاورات ولا تستعيلين
من رايي المرسيدس برستيج وتنفع للبنات او الحريم بشكل عام
في وايد كلاسات من مرسيدس تختارين على حسب ذوقج وشخصيتج ,,
يعني على سبيل المثال تقدرين تاخذين سياره جيمتها 220 الف بس في الوكاله سعرها فوق النص مليون
شوفي هالصور
هذه الصور كانت لــS65 AMG 2010
بتقولين سعرها في الوكاله فوق الـ700 ألف؟
شيء أس كلاس 500 ثمانية سلندر موديل 2006 مسوايه بالكامل 65 مب 63 لاحظي في اختلاف وكت اصلي ورنجات اصليه نفس اللي بالصوره يعني اللي يشوفها حتى الخبير ما بيعرف الا اذا بطلتي البونيت او ترايستي مع حد وانتي طبعا ما تبغين سياره للسباق فبتمشين على راحتج ولونها أسود ومن داخل بيج ب250 الف من فتره حصلتها
يعني اللي يشوفج بالشارع ينغش يفكر شاريه موتر بهذه القيمه
انزين هذا رايي وبما انج تميلين للكزس موتر فخم اوكي بس صفي مرسدس 65 عند الاشاير ولكزس اكيد المرسدس برستيج اكثر بغض النظر اللكزس موتر فخم وفنان ماعليه زود بس الكواليتي وحطي خط تحت الكواليتي
بس مب معناته اللكزس مب اوكي سياره عمليه بحته وسعرها فيها بعد البيع وبكل صراحه وشعبيه عند الكل
انزين وعندج بعد الفوروييل بي ام اكس فايف ماعليها زود ثماينه سلندر موديل 2007 تحصلينها ب160 الى 170 الف بدل ماتاخذينها من الوكاله جريب ال300 الف
وبيزيد وايد وتاخذين سياره ثانيه ب60 الف درهم للدوام او توفرين الباجي
او الام أل أحسن بعد مب العاديه ال63 تختلف اختلاف جذري وهذه صورها ومكينتها قويه اقوى من الجي55
سياره حلوه وماعليها كلام وسعرها بالوكاله جريب النص مليون تاخذين مستعمله موديل 2006 ومعدله 2010 بنفس قيمة البيزات يلي عندج
والبي ام دبليو الفئة الخامسه اليديده ماعليها زود بصراحه وشكلها ثابت من خمس الى 6 سنوات جدام
والجي اس لكزس شفت صورته فنان ماعليه رمسه بعد وانتي وذوقج
انزين اذا بتترين شوفي لج سي ال اس كلاس بيتغير شكله السنة اليايه وموتر ماعليه رمسه وبناتي بالحيل
كل السيارات فنانه وماعليها زود بعضها عملي وبعضها فخم وبرستيج ورزه والمبلغ ييب لج عدة خيارات
والله يوفقج ياربي في الاختيار الصح واهم شيء تشترين ذبيحه وتأكلين قرايبج وتقرين على الموتر ويعطيج خيرها ويكفيج شرها
والسموحه على الاطاله
اختي هاي السيارة مب لكزس اصلا
هذي بويك لاكروس بس معدله بالفوتوشوب و مركب الشعار و الشبك .. لاحظو الصور