السلام عليكم ورحمة الله وبركاته
حبيت أطرح عليكم هذا الموضوع للنقاش وابداء الرأي
بصفتي كوالد بدأت أشوف الدنيا بعيون أولآدي بعد ما كنت أنا اللي أشور وأتخذ القرار
في السابق كانت البنت تنتظر اليوم اللي بيتقدم فيه حد لطلب ايدها للزواج .
أما في هذي الأيام أشوف الأمور تغيرت وبسرعة عجيبه تغير حال الشباب وصار الكل
يقلد بعضه البنت تريد الوظيفه راتب وسياره آخر موديل ( وما يعجبهم غير الأوروبي بعد )
وما حد فيهم يريد تحمل المسؤليه ويوم يتقدم حد من الشباب اللي هم تغيرو بدورهم
يفضل الزوجه الموظفه جاهزه مجهزه وسيارتها فوق البيعه،على البنت اللي ما تشتغل
المشكله ان البنات الحين ما يفكرن الآ في اللبس والكشخه والخروج للتسوق
والمشي في المولآت وصرف راتبها كله على أمور ثانويه في الحياة بس للأسف صار لها الأولية
مثل العطروات والمكياج والأكسسوارات والملآبس والأحذية الخ …..
صار ما ينقصها شيء وتخاف ان المعرس عنده طمع براتبها ومعاشها وان الزواج زواج مصلحه
والشباب هالأيام صار تفكيرهم ان البنت أصبحت تريد معاش خاص للصرف عليها ( معهم حق )
يقول انا ما اقدر على طلباتها واسرافها من وين اجيب راتب ثاني لها خليها تشتغل وراتبها
تصرفه على نفسها . !!!!!!!!!!!!!!!
ما اريد اطول عليكم مع ان الموضوع طووووووووووويل ويستاهل الطرح لايجاد الحلول المناسبه
وين الغلط أو الخلل بالضبط وكيف نقدر نعيد تفكير الشباب للطريق الصحيح ونعلمهم القناعه
اعطونا آرآءكم والسموحه من الجميع
ابو احمد
السلام عليكم ورحمة الله وبركاته
شكرا لكم على تجاوبكم وابداء آرائكم في الموضوع
أنا احترم راي كل من ابدى وشارك رغم ختلآفي مع البعض
انا مع تعليم البنات وحصولهن على شهاده جامعيه تكون سند لهن في هذه الحياة
أريدأن اطرح سؤال وبما أن دوام الحال من المحال وبعد وفاة الوالدين ما هو مصير البنت
أول شيئ من النادر أن تحصل البنت في مجتمعاتنا على نصيبها في ميراث والديها
خصوصا اذا كان اراضي أو بيوت لآن البيت بيكون وكما هو سائد في ايامنا هذه للذكور
وبعد زواج الأخوة وهيمنة زوجاتهم على المنزل ما هو حالها ؟
بعد زواج الأخوة سوف يكون احساسها بأنها غريبه وضيفه ربما ليس مرغوب فيها أيظا.
لآ أريد أن أطيل ولكن من وجهة نظري ان البنت تتعلم وتحصل على الشهاده ثم الوظيفه لآحقا
واذا جاء من يطلب يدها للزواج فيجب أن يكون الموضوع محور اهتمامها حتى لو ضحت بالوظيفة
فالزوج هو السند وهو عامود البيت وحاميه ومدبر شؤونه وتقع على عاتقه مسؤليته
والأولآد هم العون الحقيقي وهم من يعلمنا معنى الحب والحنان والعطاء بدون حساب
واذا كان حظ البعض عاثر ولم تنجح تجربة الزواج معها فهذه حالآت قليله تخصص ولآ تعمم
وان كان معها سندها الذي تحدثنا عنه سابقا وهي الشهاده بامكانها العمل والبدء من جديد
فلآ حياة مع اليأس ولآ يأس مع الحياة .
مع تمنياتي لكم جميعا بالسعادة والهناء .
أبو أحمد
الوظيفه اهم من الزوااج لكن هذا مش معنااته نهمل مفهومه ونتركه على جنب لا
لكل فتاه وانسه وسيده ايدت الزواج على الوظيفه لكل رجل و شاب ايد الزواج علىالوظيفه
الزواج سنه واكمال نصف الدين
ولا اعتراض على هذا الكلام
لكن في زمنا هذا كل شي تغير وقمنا ندخل في دوامه كبيره سبااق بكل نواحي الحياه لم نشهده ايضا من قبل
زاد عدد المتعلمين ومن يرغبون في التعليم والكل يسابق لنيل اكبر الشهاداات ( الله يزيد ويبارك)
وهذا يعني زياده الانتقادات الفرغ في المستوى التعليم ينتج خلافات زوجيه مالها اخر
والاهم من هذا كله
دخليتكم في سين وجيم بس المهم
سؤال يسدح نفسه
عقب عين الريال الحرمه شو بتسوي منو بيصرف عليها ومن بيصرف على عيالها معاشك التقاعدي الي بفضل الوزاره
كل سنه تصدر قرار ينقصون الف منه
والا على الجمعياات الخيريه الي لا تسد ولا مد ,, والا علىاهلها الي بيوقفون وياها اول شهر وعقب الكل بيشل ايده لان لكل فرد مسؤليااات اخرى
هاااا الحين شو المهم الزواج ام الوظيفه ؟؟
اذا كان الزواج يفضل اقول للريال انك اتيلس حرمتك في البيت وتامن حياتها بعقار وهذا اظمن شي
واذا تفضلون الوظيفه انا اقوول دربكم خضر
يابنات شوفو مشتقبلكم كافحوا وان شالله بتوصلون ترا الريايل الحين يشوفون الحرمه بنظره ثاانيه يحبوون المتعلمه الي مسوتلها راس ( لول الحين بنتقد لين الف سنه جدام )
ودمتم سالميه
متفقة معى اختي مهرة