نافيقيتر بالصووت في تلفوونك بـ 20 درهم فقط ( تم فتح الموضوع للمرة الثانيه )

برنامج النافيقيشن بالصوووت المعروووف Route66 متوفر و تقدر اتحطه وانت في البيت عن طريق خطوتين .

اخواني رفعت سعر البرنامج و اصبح 20 درهم( عن طريق تحويل رصيد التلفون ) … ادري اني رفعت السعر اكثر عن قبل لكن عندي الاسباب واعتقد ان الشغله تستاهل ^_^، والي يشوف انه الشغله ما تستاهل هالجيمة على راحته يمكن يحصل مكان ثاني ارخص .

وانتوا تدرون انه المحلات يركبون البرنامج ب 150 – 200 درهم والي يبا يتأكد يسأل بنفسه .

والبرنامج اسجله بنفسي والشغله طويلة شوي .. ادري انها متوفره في المنتديات لكن عباله .. والحمدلله بفضل الله قدرت اسوي البرنامج بملف واحد ( الله شاهد اني مبتكر طريقة البرنامج بنفسي مب ماخذنها من النت ..)

ملاحظة هاامة : البرنامج غير عن البرنامج الي اسمه maps الي يكون موجود في الجهاز اول ما تاخذه .. والفرق انه البرنامج الي اسويه فيه توجيه بالصووت و يراويك الخرايط بصورة ثلاثيه الابعاد و تقدر روحك اتسوي بحث عن المكان الي تباه و هو روحه يدليك الدرب الي تباه بمعنى اخر نفس النافيقيتر الموجود في المواتر .

اسئلة وملاحظات مكرره بخصوص البرنامج :

– البرنامج شغال على الهواتف التاليه : n95 – n95 8gb – e90 – n82 فقط ! يعني اي تلفون نوكيا ثاني ما يشتغل عليه … والسوني اريكسون و السامسونج الخ من التلفوونات ما اتشغل هالبرنامج .
– الخرائط بالانجليزي و التوجيه الصوتي بالانجليزي .
– البرنامج يشتغل ببلاش يعني ما يبا خدمة من الاتصالات لانه يشبك بالاقمار الصناعيه ( الي يبا يتأكد يشل البطاقه من التلفون و يجرب البرنامج )
– الخرايط مالها تحديث لحد الآن يعني اذا شي تحويلات في الشوارع او تغيرات مستويه من 6 – 9 شهور ما بتكون ظاهره على الخريطة … و أي تحديث يديد سيتم اعلام الاخوان الي طلبو البرنامج.
– الموضوع كان مفتوح سابقا و ماشاءالله اكثر من 30 عضو طلب البرنامج و مدحه.
– الخرايط الي فيه ففقط خرايط الخليج … دورت على بلاد الشام و غيرها من الخرايط و لحد الآن مب متوفره.
– الي محتاج خريطة دولة اوروبيه يخبرني و بحااول احصل .
———————————–

طريقة طلب البرنامج :
اكتب لي
1- نوع الجهاز
2- السيريال نمبر للجهاز وذلك عن طريق ضغط *06#*

———————————–

طريقة تثبيت البرنامج سهله :

بطرش لك البرنامج عن طريق الخاص و الي عليك انك اتنزله.

الخطوة الأولى : اتوصل التلفون بالكمبيوتر عن طريق وصلة الـUSB وبتظهر لك خيارات في التلفون والي عليك انك تختار نقل البيانات أو بالانجليزي Data Transfer ( اذا ما طاع يشبك لازم اتروح للمسجات واتحول المسجات على ذاكرة الهاتف وعقب التثبيت تقدر اترده مثل ما كان ) وعقب تفتح البرنامج الي نزلته و وتختار مكان الميموري كارد .
الشرح بالصور:

و الخطوة الثانيه :اتروح لـ مدير البرامج او بالانجليزي app manager في التلفون و عقب بتحصل البرنامج اهناك و سو له انستول ( الانستول يكون عالميموري كارد أو الماس ميموري بمعنى اخر لا تثبت البرنامج على ذاكرة الهاتف ).
الشرح بالصور:

ملاحظة : التثبيت بياخذ وقت شوي لانه حجم الخريطة كبير … يعني يباله صبر شوي .

ملاحظة ثانيه : تحويل الرصيد يتم بعد استلام البرنامج و بعد ما اتشغله و اتجربه بنفسك .

ملاحظة ثالثه و مهههمه : يوم بتشغل البرنامج لازم اتكون برع البيت عشان يشبك بالاقمار الصناعيه + يباله صبر شوي لين ما يشبك و يعتمد عالمكان الي انت فيه و على نوع جهازك يعني مرات ياخذ دقيقه مرات اقل و مرات اكثر لين ما يشبك.

—————-

في النهاية اتمنى انه الطلب يكون في الموضوع نفسه مب عالخاص .