السلام عليكم

كنت حابة اسألكم من وين اتعاقد من الدول لشراء قطع للعباة و الشيل؟؟؟؟
رايكم ابتدي من البلاد و لا من برع لأن لو من برع مع المصانع بطلب منهم يسسون لي اشياء اتخص المحل؟؟؟

شو رايكم

وكيف ابتدي للاستيراد من برع :blink:

11 thoughts on “ناويه افتح محل للعباية و الشيل”

  1. مرحبا وسهلا ….. الفكره حلوه والمشروع باذن الله ناجح ولا انسي فكره انج تتسوردين من الخارج شي لانه اصلا كله مصنع في الامارات وسعره رخصيج جدا رخص التراب والفرق فقط انج انتي تختارين الموديل و ونوعيه الخامه في المصنع هذا اللي يكلف وبسعر معقول بعد و واما للتكلفه اتوقع ان شالله ما يكلف ان كثر التكلفه بتكون في الديكور والايجار ……مب بسعر البضاعه موجوده واسعارها معقوله… ومالموضوه ما يبي دراسه جدوى اصلا لانها بضاعه مرغوبه وتعتمد فقط على نوعيه وذوق المستهلك واللي تبينه اصلا دراسه ميدانيه فقط واتمنى لج التوفيق

  2. هلا وغلا
    الفكره جيده بس واايد متكرره
    انا افضل اتغيرن الفكره شو رايج ونتشارك انا وانتي وانجيب جلاليب من الكويت وانبيعهم احنا وصدقيني بيكون الربح كبيررررررررررررررررررررررررررررررر
    جربي انا مجربه

    الله يسعدج ويوفقج

  3. بسم الله الرحمن الرحيم

    العبايه و الشيل في كل مكان فأعتقد انه مشروع بكون صعب شويه في البدايه و قد تواجهين الخساره
    الان هذا المشروع مغطي السوق مش محتجين زياده ال إذا داخله السوق بقوه و بنوعيه جيده و منافسه للتي موجوده حاليا في السوق

    أشوف من الافضل أنك تسوين استبيان لاي مشروع أني حابتنه و قادره عليه و يكون يديد او محتاجنه السوق

    بالتوفيق أن شاء الله

    تحياتي خنفسانة

  4. السلام عليكم يأخت ميثاء

    بصراحة أهنيج على رغبتج في فتح مشروع خاص فيج ولكن أتمنى في هذا المشروع أنج تقدمين تصاميم جديدة لأن محلات العبي والشيل تارسة البلاد هاي الأيام.

    والله يوفقج

Comments are closed.