السلام عليكم ورحمة الله وبركاته
اخواني كيف الحال ؟ عساكم طيبين؟ .. مبروك عليكم امطار الخير .ربي يديم علينا هالنعمه
انا سرت لوكاله AGMC في الشارجه علي اساس احجز الاكس سكس 2010 ..
وشفت ال x6 في صالة العرض عندهم .. بس الغريب انه نظام ال iDrive (الماوس مال الشاشه) مب اليديد ؟..الجديم !!
مع انه المعروف انه جميع موديلات 2010 لل x6 تنزل مع new iDrive system !! شرات اللي في الحوت اليديد !!
المشكله يوم اسأل الموظف عن موديل ال x6 اللي موجود في صالة العرض .. يقول لي انهم موديل 2010 !!
شو رايكم بخصوص هالموضوع اخواني ؟؟ اتمنى اي واحد فاهم في الاكس سكس اليديد يخبرني ظروري لاني مابي اشتري الموتر وبعدها بشهر يتغير النظام كامل !!
شوفو الفرق بين ال iDrive القديم وال iDrive اليديد !!
القديم (لاحظ القرص اللي ع يمين القير)
– – – – – –
ومشكورين يا الابطال
انا مااحب القير في سيارات البي ام
شكله مب حلو خاصه الفص يوم اتدق عليه يظهر صوت تحس انها في سياره رخيصه
عموماا عن الموديل افتح الباب واقرا البليته شو مكتوب عليهاا
موفق بإذن الله … لك مني أجمل تحية .
على كم اكس 6 سليندر في دبي أو الشارقة او السعودية ؟؟؟
و نصيحه .. اذا بتاخذ الموتر من agmc .. خذه من وكالة دبي . .. الي في الشارجه ما يعرفون كوعهم من بوعهم . .
شوف يا خويه . . .
نحن خذنا x6 .. و استلمناها عقب العيد مباشرة ..
ويوم سرت استلم الموتر ال iDrive الي موجود في موترنا اليديد .. و كان واصل ويا موترنا, موتر ثاني أسود .. وكان عليه iDrive الجديم .. ..
مع انه الاتفاق يوم دفعنا العربون انه iDrive بيكون الجديم .. ولاكن الحمدالله طلعت مواصفات زياده في الموتر غير عن المتفق عليه …
اول شي رنقات 20 النجمه … ثاني شي بيبان شفط وها ما تحصله في ال 6 سلندر في وكالة AGMC … ثالث شي كيمرتين اضافيات في المناظر الجانبيه .. و تشغيل بدون مفتاح .. أو من بعد ..
و للعلم الموتر 6 سلندر ..
خلاصة الكلام .. انه الوكاله رقود و ما يعرفون شي في الموتر .. والحمدالله يوم استلمنا الموتر ما دفعنا ولا نص ربيه زياده ..
لاكن الموتر الثاني الي وصل ويا نفس الدفعه مافيه المواصفات الي ذكرتها … و بنفس السعر ..
بس اتوقع انه الدفعات اليايه بتكون فيها نفس المواصفات الي حصلناها نحن …لاكن مندوب المبيعات ما يعرف شي و ما يبا يدخل وياك في قيل و قال اذا وصلت الدفعه الجديده و طلعت ناقصه مواصفات . .