كارثـــــة .. مصيبة .. ظلم .. قهر .. صدمة
كلها كلمات ممكن تعبر عن اللي شفناه وسمعناه عن نتايج الثانوية العامة
معقوولة يعني اللي قاعد يصير ونحن نشوفه من ظلم وشي غير خارج المألوف وما لا يصدقه العقل وانتم ساكتين
كل اللي سألتهم عن نتيجتهم .. مب راضيين عن النتيجة ويعتبرون انها أقل من اللي يستاهلونه و اللي توقعوه من عقب الامتحانات
قالوا ان المناهج تغيرت و بيدرسون بأسلوب يديد .. قلنا ما عليه .. هم الأخبر في هالمجال
بس اللي شفناه في النتايج وأسلوب الامتحانات .. يبين لنا انهم ما يبون حد ينجح ولا يبون حد ياخذ شهادة الثانوية
انزين شو ذنب هالطلبة اللي يدرسون ليل ونهار .. وآخر شي ينصدمون بنتيجة تحبطهم وتخليهم يكرهون سيرة الدراسة وينسحبون شوي شوي من مقاعد الدراسة ؟؟!!
وين كلام اللي يقولون دايما نحن نبا نبني جيل مثقف وواعي ؟؟
كيف بيوصلون للثقافة وهم المدرسة مب قادرين عليها
لا هم مب قاصرين ذكاء واللي عندهم عند غيرهم .. بس الحظ حليلهم ما حالفهم وخلاهم يدرسون في الفترة اللي تغير فيها زمن الدراسة اللي عرفناه
بالنسبة لي .. انا درست في فترة كانت فيها الامتحانات سهلة والحمدلله .. والمدرس يحس بالطالب ويتعاون وياه
والله أحمد ربي مليووون مرة اني نجيت من اللي صاير الحين
وما كنت ضحية تعسف دراسي !!
وفي شي نسيته .. وبصراحة شي غير مقبوووول أبدا
كيف يساوون طلبة الصباحي مع المسائي مع المنازل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والدرجات من 60؟؟؟
طلبة الصباحي ايون المدرسة متفيجين نشيطين ما وراهم اهتمامات ولا ارتباطات كثر المسائي
اللي عنده دوام .. واللي عنده عايلة هو المسؤول عنها .. واللي واللي
هاي المواضيع المفروض ما ينسكت عنها .. وصدقوني لو كل طالب رضا بنتيجته وهو حاس انه مظلووم .. المصيبة راح تبين في نهاية الفصل الثاني
وللأسف .. بيقوووول ليتني قلت قبل
بس خلاص وقتها بتكون راحت عليه .. وعد نفسك للسنة اليديدة اللي ما بتكون أرحم من السنة اللي قبلها
يا ليت أصوات الطلبة تعلى .. وتوصل للمسؤولين
عل وعسى ينظرون في الموضوع .. ويحسون بهالمعاناة
:
:
اسمحولي ع الاطالة
يا ليت اللي يقراها .. يرسلها للي عنده
منقوووووووووووووووووول من الايميل
بصراحة انا اشوفه ظلم حق الطلبة
هل يسوولهم امتحانات علشان يضيعون سنة من عمرهم في المدرسة؟ليش هالتعقيد والامتحانات التعجيزية؟
الطالب بكل بساطة يدخل المدرسة يتلقى المعلومة والامتحانات تختبر معلوماته هل استوعبها او لا..مب امتحانات قياس قدرة ولا تحدي ولا ذكاء..!!
ليش يحبطون بنات واولاد في اول شبابهم ويحسسون انهم فاشلين ؟
لاحقين على صدمات الجامعة وامتحاناتها والصعوبة ماله داعي يعني
اخوي مثل ماقلت والله في كم واحد قالو مابيكملون الدراسه من عقب النتايج
ومب معقوله يرسبون 70 % هاي ثانويه مب ماجستير ليش مصعبين دراسه هلكثر وين يبغون يوصلون؟ الواحد يحدد مستواه في الجامعه وتخصص الي يحبه
يبغون يخرجون الطلاب الثانويه دكاتره وبعدين ها مب تعليم عالي ها تعليم اساسي ليش مصعبينه هاكثر ومغيرين المنهج؟ ومخلين الدرجات 60 الله يرحم ايام 40
شو السالفه الكل مستغرب ومنصدم وانا متاكد مابيسون شي ولا بيغيرون شي اذا غيرو احتمال
0.5 % يمكن
تماشيا مع التطور الي تتجه له الدولة
في قطاع التعليم العالي
انا اشوف انه المدارس الحكومية
للحين ما استطاعت انها تأهل الطالب للمستوى المطلوب!
سو مدارس غد ومدارس شراكة ودحبو المدارس اجانب
والطالب مب مستوعب شي!
في مدرسة اخوي
طالب ثانوي ترتيبه 12 عنده دويحتين وست طلاب فقط ناجحين
فكل المواد من اصل 30
وطالب في صف اخر تريبه بعد 12 بس ماعنده دويحة
ها يدل على انحداار مستوى التعليم عنا
وفي خلل كبير
الله المستعان
والله يا خوي انت كفيت ووفيت ياريت رسالتك هذه تناخذ بجدية لان الموضوع خطر انت تتعامل مع شباب في سن المراهقة يعني رسوب بالنيبة له نهاية حياة الاكادمية يعني من السهل ان ينحرف وهذه مسؤولية المجتمع وايدج طلاب الثانوية نعرفهم يوم شافوا النتائج مخيبة قررو ان ينسحبوا وعذرهم كان ليش اضيع وقتي وانا عارف انني ما راح انجح دام النتائج جذي من الفصل الاول وبعضهم بس يدرسون عشان اولياء امورهم يضغطون عليهم ..السؤال الي يطرح نفسه هل بهذه الطريقة يبون يطورون الشباب وقدراتهم لوصول إلى مراحل متقدمة من العلم و شغل الوظائف القيادية المتقدمة؟!..اقول بكل اسف الشباب صار صيد سهل لصيادي الشباب!