نجوم النهار..شعر الشيخ: محمد بن راشد آل مكتوم

نجوم النهار

نجوم النهار

شعر الشيخ: محمد بن راشد آل مكتوم

عَلَى ظِنُونْ الظلومْ الهاجرْ المفتونْ

أنَا رَغْم شوقي المدمرْ خاطري زعلانْ

بي ألفْ ألفْ إشتياقْ وخافقي محزونْ

لكنني ما أقَدمُ للوصالْ أثمانْ

عَجيبْ أمركْ حبيبي فيكْ زينْ ولونْ

لكنْ ما فيكْ رَحمهْ ولا معاكْ أحسانْ

جسمكْ شرا الحيبْ كَنكْ بالعسلْ معجونْ

ما تَحمِدْ اللهْ علىَ ها الزينْ يا البطرانْ

الشمسْ منْ نورْ خدكْ نورها مسجونْ

والبدرْ منْ زودْ حسنكْ ف السما غيرانْ

ودعتكْ اللّهْ وبَصْبرْ عَنكْ يا المضنونْ

يا لينْ تشتاقْ لي وتردْ فِيهْ الشانْ

بي منْ هِوَىَ الخيلْ شوقْ المولَهْ الممحونْ

اللي غلاها الغَلا وميدانها الميدانْ

وشوقْ الرمَكْ شوقْ لوُ مثلهْ يكون إيكونْ

في قلبْ مثلي بها متولعْ وشفقانْ

وما تملكْ الخيلْ إلاْ بسرها المكنونْ

فيها منْ الفَهْمْ تِفْهَمْ كَنها إنسانْ

يومْ إجمعوهنْ علىَ ميعادنا المضمونْ

نقوهْ منْ الخيلْ مَعَ نقوهْ منْ الفرسانْ

آخفْ م الطيرْ وأسرعْ منْ بروقْ إمزونْ

منْ شافهنْ ظَنْ أنه عندهنْ جنحانْ

وأنا آحبْ المنافسْ والصعيبْ إيهونْ

ما أحلاهْ نيلْ الصعايبْ والتحدي حانْ

وما رامْ أنهْ يجاريني علىَ ما يكونْ

إلا عضيدي إذا طالْ المدىَ حمدانْ

والسبقْ بالعزمْ للي بالصبِرْ مسكونْ

ما إيهمهْ إعنانْ مهرهْ أو عنانْ حصانْ

والفوزْ نهديهْ شعبْ نقولْ لهْ يا عونْ

شعبْ الإماراتْ لي ما شعبْ مثلهْ كانْ

بهْ نفتخرْ ونتفاخرْ بهْ علىَ أهْلْ الكونْ

والنصرْ محيوزْ للمكتومْ ونهيان