هذا شعار لحمله ضد خلل التركيبه السكانيه

مواقف يوميا نعيشها ونشوفها ونتحسر عليها

وما بيكون جوابنا عليها الا

نحن اولى
بلادي وان جارت عليه عزيزه ,,واهلي وان ضنوا علي كرام

فبلادنا

نحن بها اولى

يا كثر المواقف اللي أمر فيها وتمر فيها اخي المواطن

ويكون جوابك عليها

نحن أولى

خبرونا عن المواقف اللي تمرون فيها ,,ويكون جوابكم نحن اولى

39 thoughts on “نحن أولى ,,,,,”

  1. ربيعتي عندها ماجستير ومعاشها اقل من 20 الف

    ونحن اولى ^_^ ،،، بوظبي مستوية زحمة
    اليوم سايرين ويالسين انعد كم سيارة فيها مواطنين !!

    النتيجة طلعت 2% من اللي في الشارع مواطنين

    ابشرك اخوي .. الصحه فاتحه مراكز يديده وطالبه مواطنات عندهم دبلوم عالي ومافوق .. والي عندهم دبلوم عالي يبدون فالمرتبه الرابعه .. ورواتهم الباكج 31 الف للدبلوم العالي .. عاد تخيل الماجستر كم بياخذون .. واثنين من ربع الاهل بيبدون دوامهم عقب العيد ..
    نفس الشي بخصوص التعليم طالبين مواطنات.. ورواتبهم فوق ال20
    نفس الشي شركة الدار .. يدورون اي حد من مواطنين دولة الامارات .. وبعد رواتبهم عاليه ..
    بس الواحد ما بيلس فالبيت يتريا يدوقون بابه .. لازم يسير ويدور .. ويسعى .. صدقني بيحصل ..
    HSBC يطلبون مواطنين .. مؤهل باجلر .. مواطنين .. بداية الراتب 15 الف .. وعقب 6 شهور بتستوي 18
    وتقدر تدخل قسم “الوظائف الشاغره” وتشوف فعينك .. شي اخوات فالمنتدى يساعدون كل حدمن المواطنين .. حتى الي عنده ثانويه يوظفونه ب7 و 8 .. كبدايه .. بس الاخوه كل حد يبى يتشرط .. حد مايعيبه الرتب .. وحد يقولك بعيد .. وحد يقولك كيف هندي يسويلي المقابله لو بتعطوني 20 الف مابى..

    وبالنسبه للنقطه الثانيه الي طرحتها .. 2% مواطنين فالشارع .. انا بطلب منك طلب .. ادخل منتدى المشاريع التجاريه .. انا اكثر عن مره شفت مواضيع من وافدين يطلبون كفيل مقابل 10 او 15 الف فالسنه .. لرخصه تجاريه وبدون تحمل الكفيل اي مسؤوليه .. وماشاءالله تحصل الحشود من المواطنين يعرضون خدماتهم فتقديم هالرخصه مقابل هالمبلغ الي اقل ما يمكن القول عنه .. انه مب شي ..
    مقابل شركات .. اتيب عشرات من العماله الوافده على هاذه الرخصه .. ويرد المواطن يقول من وين اتي هالعماله تارسه لبلاد .. تراك انت الي يبتهم مقابل شي لا يذكر ..

    والسموحه
    اخوك MMM

  2. .. عمركم سمعتوا عن دوله اوروبيه او عربيه توزع بيوت لشعبها .. انا بقولكم عن نفسي .. ..

    أنا سمعت و شفت بريطانيا تعطي بيوت للفقراء و ذوي الدخل المحدود و اللي ما عنده مصدر دخل و تكون الأولويه لهم .. نحن الغني يحصل بدال البيت بيتين و الفقير يتريا 20 سنه

  3. انا اتحدى حد يقولي شي مواطن او مواطنه .. عندهم ماجستير ومستعد يشتغل فأقل عن 20 الف

    ربيعتي عندها ماجستير ومعاشها اقل من 20 الف

    ونحن اولى ^_^ ،،، بوظبي مستوية زحمة
    اليوم سايرين ويالسين انعد كم سيارة فيها مواطنين !!

    النتيجة طلعت 2% من اللي في الشارع مواطنين

  4. الوافد يتكلم

    احم احم .. هههههههه اكيد قبل لا ابدا كلامي واايدين سبوني “حشى حتى هني الوافدين لاحقينكم خخخخخ.. وراك وراك ..” .. اسمحولي عاد .. رذه .. واحب احط بصمه لي فأي موضوع يلفت انتباهي “لبناااااااني عاااد؟ خخخخ” .. اتمني ماحد يضايق من مداخلتي .. وتاخذون كلامي من باب النصيحه كأخ ..

    “نحن اولى؟”
    فالبدايه لو الواحد يلس ويحاول يفسر معنى هالعباره ..
    هالعباره تقال يوم ولد لبلاد مسلوب حقه .. وقادر يقدم نفس الي يقدمه الوافد وبنفس المقابل ..

    خلونا نسوي مقارنه بسيطه ..
    العماله فالدوله تتكون من 4 فئات .. وانا بعرض لكم كل فئه .. ومميزاتها .. وعقب احكموا

    العماله الغربيه (خاصة القادمه من بريطانيا وامريكا)
    الراتب (20 -100) الف 10% من سكان الامارات
    هالفئه تمثل اعلى المراكز فالشركات الخاصه والحكوميه .. كمدير تنفيذي او مدير اقليمي وانت نازل لين مدير قسم (وهذا يعتبر الجاهل من هالفئه) .. وصدقوني لو حصلتوا عربي فأحد هالمراكز .. معناها اكيد متجنس من احدى الدولتين المذكوره .. والدوله والقطاع الخاص معتمد على هالفئه فالتخطيط والاقتصاد والمراكز الحساسه

    العماله الاماراتيه
    الراتب (7 – 70) الف 14% من سكان الامارات
    هالفئه تمثل اهل الامارات على حسب تخصصاتهم العلميه وخبراتهم والاماره.. من ثانويه لين دكتوراه .. وهالفئه معتمد عليها غالبا في الجهه الحكوميه .. ويعض المراكز الاداريه في الشركات الخاصه .. للتمثيل الخارجي والتعاملات الداخليه للشركات..

    العماله العربيه
    الراتب (3 – 35) الف 13% من سكان الامارات
    هالفئه تمثل الدول العربيه كافه (ما عدا الدول الخليجيه) .. وتعتمد على المؤهل العلمي والخبره .. تحصلون الي يشتعل فكارفور على 2000 وتحصلون الي مستلم مدير قسم فشركه (الشركات خاصه فمعظم الحالات) .. وصدقوني بالغت فيها يوم حطيت الحد الاعلى 35 الف .. بس ماعليه بنمشيها ..

    العماله الاسياويه
    الراتب (500 درهم – 15 الف) 60% من سكان الامارات
    اكثر هالفئه معتمد عليها فالطفره العمرانيه .. والقسم الاخر معتمد عليهم فبعض الوظائف المهمه .. مثل المحاسبه فالشركات .. هالفئه مرغوب فيها فيعض الوظائف .. لانهم يسمعون الكلام وما يناقشون .. بس ينفذون ..
    —————————————————————————————————————————

    دولة الامارات الحمدالله دوله فيها خير والله ناعم عليها واهلها شعب طيب ومتعود عالبساطه والكرم .. والنعم فيهم .. والدوله قيادة وحكومه مب مقصره (واعتقد كل حد يوافقني فهالشي) .. بس ربنا يقول “اسعى يا عبدي لأسعى معك” ..يعني مافي شي ايي جي مني والدرب ..

    انزين خلنا انسوي مقارنه..
    الحين الهندي اي الامارات وعنده شهدات ماشاءالله ومستعد يشتغل ب3000 .. والعربي ايي عنده ماجستير مستعد يبده ب8000 او 9000
    انا اتحدى حد يقولي شي مواطن او مواطنه .. عندهم ماجستير ومستعد يشتغل فأقل عن 20 الف .. مع العلم يكون المجال مطلوب .. ما ايني حد يقولي عندي ماجستر فأدب التاريخ وابى اشتغل فالعين وراضي اشتغل ب15 .. وفوق ها كله لو بتاخذون فعين الاعتبار مصالح الشركات الكبرى .. الي داخله الدوله فمبالغ ضخمه .. ومسويه فنادق وشركات .. يوم ايهم اثنين عندهم نفس الدراسات ونفس الخبره .. ويفرق الراتب ثلاث اضعاف .. اكيد الشركه ما بتتكبد هالخساير ..
    الحين ممكن حد يقولي على اي اساس تقال مقولة <نحن أولى>
    والصراحه انا استغرب من بعض المواضيع .. الي تتكلم عن الاسكان .. وعن الوافدين الي مستحلين الابراج .. يعني احسبوها بالعقل .. عمركم سمعتوا عن دوله اوروبيه او عربيه توزع بيوت لشعبها .. انا بقولكم عن نفسي .. فبلدي لو ما تعبت وكديت .. عمرك ما بتتزوج وعمرك ما بيكون عندك بيت .. يعني هالشي الي فالدوله خير ومكرمه من قيادة الامارات والواحد يحمد ربه.. ولا هو مب شي اجباري عليهم .. وتشوف بعض الاخوه محتشرين ويضاربون انهم صارلهم سنتين يتريون وبعدهم ما حصلوا بيت .. والوفدين الي مستحلين الابراج على قوله بعص الاخوه .. تراهم دافعين ملايين عسب اشتروا هالشقق من تعبهم .. ماحد قالهم تعالوا هاي شقق ببلاش .. عشان جي انصدم فبعض الاخوه يوم يعقون هالرمسه .. يعني ما تروم اتي تحاسب انسان سكن فبرج من حر ماله ..

    صدقوني مافي احلى منها يوم الواحد يتعب ويشتغل وينجز بروحه .. بيحس بقدره .. وكل انسان فينا يقدر يوصل لاعلى المركز .. والمجالات مفتوحه لكل حد ..

    فذمتكم ماحد يزعل من كلامي .. ترا الي ينتقدك يحبك ..

    والله اول ما دخلت الموضوع قلت الحين بشوف الهجوم المدمر عالوافدين .. ونصدمت فبعض الردور الي فاجأوني وفرحوني .. واخص بالذكر اخوي خلفان وalameer الصراحه خاطري اصافحكم واحب على راسكم .. لان الامارات يبالها روح العزيمه والمثابره وعدم الاتكاليه فنفوس عيالها .. وعقب كل شي الارزاق فيد الله ..

    اسف .. ادري ان كلامي كان قوي .. بس ها من محبتي وغيرتي على دوله عربيه اعتز فيها واخاف تضيع هويتها..

    ودمتم ..

  5. كل حد ياخذ رزقه وكل حد مكتوب له رزقه من قبل ما اتييبه امه

    قولو الحمدلله وبسنا يا جماعه مقارنه المواطن والوافد ملينا والله من ها

    المواضيع

    ليش مانفكر بشي يخدم بلادنا ويتطورها اكثر واكثر ليش مانفكر نصنع شي يخدم الانسان ويستفيد منه

    ليش مانفكر بنعمه الله علينا واننا نحن احســــن من غيرنا الله انعم علينا بشيوخ طيبيين وارض طيبه

    والكل يتمنا ترابها

    تدرون ليش الوظايف للوافدين لان نحن بس نرمس ونبا الشي يوصل الين عدنا

    شو يفرق الهندي الي عنده برج وعنده شركات عنا بالعكس نحن عدنا وايد امتيازات هوه ماعنده

    الهندي يا البلاد وكد واشتغل الين شاب شعر راسه

    سيرو واشتغلو مثل ماشتغل ولكم كل التسهيلات ماحد بيقصرعنكم

    سيرو فتحو شركات وابنو البنايات ماحد ميودنكم تاخرنا في شغلنا من كثر مانقول الوافد جي والوافد جي

    من وجهة نظري واللي حاس به واكيد كلكم حاسين به انه الزمن يربع والوقت يمشي الي يبا يطور من عمره

    يسير يطر الارض ويطلع الشغل وعدنا امثال من شخصيات اماراتيه ماشاء الله عليهم فكرو كيف يشتغلون

    ويطورون بأعمارهم وكل يوم نسمع فلان سوا مشروع خاص به وفلانه استوت مديره على الشركه الفلانيه

    صدقوني ها الرمسه والمقارنه الي نشوفها كل يوم بين المواطن والوافد ماتنفع بشي ولا بتسوي شي

    لو بترمسون من الحينه الين بعد 50 سنه

    بدال الرمسه نبا فعــــل


    صدقت اخوي نبا الفعل

    لازم يكون العمل من اولويات المواطن

    لاكن لاحياة لمن تنادي

    المقارنه مب في صالحنا هي لصالح الوافد

    ولكن هناك الكثير من الشباب يشتغلون ويكدون الله يعطيهم العافيه

    تسلمين اختي بنت السلطان موضوع حساس ومهم الله يعطيج العافيه

Comments are closed.