السلام عليكم ورحمة الله وبركاته …
نبتدي في الموضوع …
انا كانت امنية حياتي اشتغل في يا في نخيل او في ADNOC
السالفه انه الامنية تحققت مرتين 
واتصلوبي الشركتين نخيل انه عندي انترفيو … واداوم بعد ما اخلص الاجراءات وادنوك اني ايب باقي شهاداتي ونفس الشي يخلصون الاجراآت واباشر في الدوام …
ف مااااااااادري … شو اسوي او اختار …
نخيــــــــــــــل
ولا ADNOC
اول شي استانست الصراحه … خلاف مادري شو ياني افكر
مع اني ادور مكان فيه
من ادخل الدوام ما اشل عيني عن الشغل الا نهايته
ما اداني ايلس واحط ريل عريل … واتم اطالع الساير واللي راد … واتريا متى يخلص الدوام
ف يالله اللي يعرف عن نخيل يقولي شو رايه واللي يعرف عن ادنوك يقولي شو رايه
يعتمد على طبيعة الوظيفه و القسم و مؤهلاتج وقدرتج وتقبلج للوظيفة .. مافي حد يختار وظيفة جيه !
بالتوفيق
اممممممممممممممممم
نستخير ونشوف
ادنوك و ومجموعة شركاتها للحاضر و المستقبل
نصيحة اخ كبير لك
روح ادنوك و ما عليكم من كلام الناس
لو تريد تعرف تفاصيل الراتب و الامتيازات الغير مذكورة في العرض المبدئي انا حاضر
وفقك الله
الله يوفقج اختي
نخيـــل X أدنوك
التطوير في ابوظبي ام في دبي
ادنوك راح تندفنين فيها مهما سويتي ومهما اشتغلتي محد راح يقدرج …
باعتقادي نخيل و مشاريعها راح تكون افضل باذن الله
الله يوفقج اختي
و عقبال العزيمه
