السلام عليكم صبايا و شباب
صبحكم الله بالخير
مادري يجوز تداول هذا الموضوع اللي بكتبه الحين و الا؟
الموهيم انا بكتب و اذا شنقلوه ترا شنقلوه مافي اي مشكله
الا بسألكم ماشاء الله انتو كلكم هنيه في المنتدى يعني وايدين هالكثر
ما تقدرون تدلونا على ناس محتاجين انتو تعرفونهم؟؟
صراحه تعبت و انا ادور ..من بدى رمضان و ما لقيت الا نفرين و الا 3
انا ما اتكلم عن المتسولين ..هاييل اكبر طاف لهم
انا اعرف ان في ناس وايد في البلاد محتاجين بس وين اهل الخير اللي يودولهم ؟ و الا يدلونا عليهم؟
طبعا بتقولون سيري يا دبي بيبي ياللي مصدعه روسنا عقي خردتج في اقرب صندوق تبرع ..و الثياب و باقي الاغراض وديهم حوش الجمعيه الخيريه
و خلي الشمس تصلاهم في هالحر و الموت لين يتفتفتن
سوري ما ابا جمعيه خيريه…انا روحي ابا اتعب و ادور المحتاي و اشوف حايته بالضبط و اطرشها لين باب بيته
ما ابا وسيط بيني و بين عمل الخير اللي ابا اسويه
و اكييد وايدين غيري بعد هنيه يدورون و مب لاقين شرات ما انا مب لاقيه
و هيه صح …بما اني حطيت الموضوع و فتحت على عمري مجال << ترا انا ما بتصدق ببيزات ..ناويه اتصدق باي شي بس مب بيزات << يعني متسولين النت يمتنعون
و اذا الموضوع مخالف و الا بيسوي زوبعه و الا شي ..لكم حرية التشنقيل
يــــزاكم الله ألـــــف خيــــر… وكـــثر الله من أمثـــالكم …
أختــي العزيزة جزاج الله خيــر على هذه البادرة الطيبـة ولكـن لا تنسيــن أن قوانين الدولــة تمنع التسول فياريـــت نحن يكون لنا دور في تطبيق القانون،،،
أختــي العزيزة ياريت ادورين على الاســر المتعففة وليس المتسولــين وراح تلقين الكثير من الأسـر المتعففة في الدولة،،
جزاج الله خير،،
الله يجزيج الخير اختنا الفاضلة
هذا فضل الله يؤتيه من يشاء
بارك الله فيج
يارب تحصلين حد صدق محتاي وتنطبق عليهم الشروط
وربي يوفقكم لكل خير وييسر أموركم