السلام عليكم ورحمه الله وبركاته
اليوم في الجريده لاحظت نزول كبير لاجارات البيوت بالتحديد في مناطق خارج ابوظبي
بني ياس النهضه الشامخه والشوامخ الشهامه
ستيديو جديد في بني ياس عماره جديده ب27 الف تخيلووا وقبل كان واصل سعر الاستوديو 50 وفوق
غرفتين وصاله وحمام ب40 الف في بني ياس في عماره وقبل كان سعر الغرفه الوحده فقط ب50 الف
غرفتين وصاله وحمام في الشامخه ب36 الف وقبل كان سعرها ب80 الف و100 الف
ثلاث غرف وصاله ومطبخ كبير وحمام ب70 الف في النهضه ونفس الشي في الشهامه 3غرف وحمام ومطبخ ب75 وقبل كان سعرها ب120 الف ومافوق
ملحقه غرفه وصاله في الشوامخ ب36 وقبل كانت ب50 وفوق
وهالكلام في جريدة الوسيط هب من عندي عشان ماتقولون يبالغ او يكذب عليناا او يسوي اشاعه
وانا اتوقع رح تنزل اكثر بسبب كثرة العرض اول ماكان في عرض نفس الحين وكان الطلب وايد
صح الحين في طلب بس ف المقابل العرض زاد بشكل كبير
اتوقع عقب كم شهر ملاك البيوت بيترجون الناس عشان يسكنون عندهم يمكن مايلقون
لين ماينزلون اكثر واكثر
اتوقع ترد ااسعار مثل سنة 2004 بيت شعبي كامل ب50 الف واقل ^_^
يالله مبروك عليكم يامحدودي الدخل ربكم فرجها والقادم افضل ان شالله
انشششششششششششششاء الله تنزل الاسعار .
صح كلامك والله يوفق الجميع هاي يت من رب العالمين
الواحد والله هب قادر يعرس ولايسكن مثل الناس حتى من الغلا الي قتلنا والله
محد مستفيد غير فئه قليله الي هم الهوامير والاكثريه الي هم محدودين الدخل والي تحتهم والله عايشين عيشه ربك اعلم بحالهم
يشوفون الويل قدامهم من العذاب الي عايشينه كل يوم
حتى بعضهم اضظر انه يطلع عياله من المدارس عشان هب قادر يدفع رسوم الدراسه حرام والله
بارك الله فيك صح كلامك
وفي بعد فلل في المشرف والمررور ال وصلت الى 550 و600 الف الحين معروضه ب450 ولاحد مستاجرها واخر شي بيدور حد يستاجرها ب150 مابيلقى
نتريا إن شاء الله .. تنزل أكثر و أكثر ..
ع الأقل نحصل لنا فيلا و لا بيت للإيجار بسعر نقدر عليه ..
اوافقك الراي
حتى في ابوظبي 3 غرف اقل شي 300 الف و هالايام عل 250 الف و باتنزل اكثر في الايام الجاية