السلاااااام عليكم

حبيت استفسر منكم.. انا وحده مثلكم انتظر اسعار السيارات تنزل على شهر 6..

لكن بصراحه ماشوف شي ولا احس ان بتكون نسبه كبيره بالنزول

اليوم سألت ناس خبره بالسوق …يقولون محد اعلن عن شي عشان التجار يستغلون هالفتره بشراء الاراضي باقل الاسعار
ومن الاساس الاسعار تنتعش هالفتره وكل شي قام يرتفع الاسهم والذهب,,يعني حيله
يعني مثل الحيله متسترين وراها,, بصراحه خوفوني

شو نصيحتكم اخذ من الحين ولا اصبر..

واخاف استعيل واندم..

ياريييييييت يا اخواااااااااان تفيدوني بشي

9 thoughts on “نزول الاسعار ..هل هي حيله”

  1. اذا بيصيؤر نزول بيكون شي بسيط
    بس الاحسن اتريي شوي ختيه
    لاتستعيلين شهر 6 مابقاله غير شهر ونص
    بالاحرى 6 اسابيع قريبا اتريي شوي غمضي عينج وفتحيهم بتحصلين شهر 6 بويهج

  3. اولا الحمد لله على كل حال
    ثانيا نحن في دولة مدعومة من شيوخها يطول بعمرهم
    ثالثا الحمد لله ماعندنا شي اسمه ازمه
    رابعا اللي تسمعونه عن الازمه هذا شي واللي صاير في السوق شي ثاني
    تمنياتي للجميع بالتوفيق

  4. السلام عليكم

    الكلام كثير في نزول الاسعار و لكن السوق سيعود للانتعاش ان شاء

    الذي حصل في الفتره الماضيه نتيجة الكساد العالمي و استيراد كميه كبيره و تكدسها في المعارض ادي الى نزولالسعر نتيجة عدم وجود سيوله بالسوق لان البنوك توقفت عان التمويل و معظم المستوريدن لا توجد لديهم سيوله كافيه لتدبير امورهم فاصبح البيع و لو لاسترجاع راس المال لاعادة تدويره مره اخري بدلا من تجميده

    قد يشهد السوق انخفاض آخر في فترة الصيف عند تسييل رؤول الاموال تمهيدا لاجازة الصيف ولكن الاسعار ستعود للارتفاع مع انتهائها

    و الله الموفق

  5. أختي حتى لو صار نزول في الأسعـــار ماعتقد بيكون وايد فرق في النزول يعني بالكثير مال 5000 درهم ..

    لأن من استوت الأزمه وانا ماشوف الأسعــار نزلت وايد ..

    مثل الفطيم أحينه امسوي خصم 4000 درهم ..

    والطاير بعد نزل مال 10000 درهم ..

Comments are closed.