اتمنى انه محد يفهمني غلط … لاني حبيت اكتب هالموضوع بعد مابدأت ثقتي بهالمنتدى
تنقص يوم بعد يوم..
(وهدفي الوحيد النقد البناء والرقي للمنتدى)
انا عضوا بهالمنتدى من 21-08-2007 وهالامور ماشفتها الا هالايام
والسبب الاسعار الخياليه لبعض المنتجات…
والسبب الثاني انه البايع يبيع تقليد ويقول انها أصلي ومحد يحاسبه أو يسكر موضوعه
والسبب الثالث.. التاجر يشتري ب 10 ويبيع ب 1000 ويقول أنا شاطر !
كلنا نعرف انه التجاره شطاره مثل مايقولون .. بس ما اظن انه الي البيع بدون مصداقيه وبجشع شطاره
…….
آخر موقفين واجهتهم بها المنتدى … الاول لنظاره رايبان العاكس … والموضوع موجود والبايع يقول انها اصليه بس من المعايه شفت انها تقليد ومن اسوأ انواع التقليد الي ينباع على الرصيف في تايلند وذكرت هالشي بموضوعه … وبعده يبيع للحين ومحد قاله شي !!!!؟؟؟
والموقف الثاني. صارلي ويا جهاز رياضه … قيمته 14.95 دولار يعني 50 درهم والبايع كان يبيع ب 650 درهم ورفع السعر ل 800 درهم وهذا بدون سعر الشحن, وسبب زياده السعر انه الشركه زادت سعر المنتج !!! … وللاسف مافي اي زياده بسعر المنتج ابدا من اكثر من سنه
وللعلم انه هالمنتج موجود بسوق التنين ب 70 درهم مثل ما ذكر واحد من الاعضاء….. !!؟؟
الرجاء تقبل موضوعي بصدر رحب … لاني احب هالمنتدى وشايف في مشروع ناجح ومصدر دخل لكثير من الناس.
واتمنى ماتخلينا هالسلبيان نخسر مصداقيه هالمنتدى الحبيب .. واتمنى نشوف تدخل من
ادار المنتدى…
وسلامتكم
اخوكم… ولد الامارات
موضوع مهم تسلم على الطرح الراقي
انا شريت من كذا عضو واللي عجبني فيهم انه سلم واستلم لا واكثر من هذا انه يقولك افحص
واذا ما عجبكتك السلعه الله الغني يعني تشتري وانته مقتنع ولاكن البعض يقولك والله والله والله
ومليون حلفه
الله يهديهم ياكلون حرام
وين بيروحون مال الحرام ما يدوم
من خبرتي الطويله في النت وتعاملي معه وفي موقعي الخاص العقار السعودي
المواقع الي شرتها مكتوب كانت اول رائعه جدا وجهد اصحابها شخصي ومراقبه قويه عليها واي شي يراقبونه
حاليا شركه مكتوب هدفها مايهم كذا ولا كذا
فقط رفع الترتيب لاغير
وكثره الاعلانات تشوه المنتديات
وهذي وذمته صراحه ضميره دنيوي الله لايبلانا
فتحت نفس الموضوع وسكروه
احس استوينا موب زباين استوا مكان للاستغفال اللي ماله خبره فالسوق ينقص عليه
الموضوع لازم يتثبت وتنكتب فيه تعليمات ونصايح للمشتري
وايد اشيا تتحصل حتى في الجمعيات العاديه لكن يمكن الناس ماتنتبه لها واييك واحد اهنه يبيعها بدبلااات سعرها …
وايد اشياء اشوفها موجوده في المنتدى موجوده عندنا كل مكان الجمعيات