السلام عليكم
شحالكم
انا مستعد اساعد اي عضو يبغي يدخل سوق الارقام ويعني سبحان الله يمكن فلان يبغي يحط فلوسه في الارقام وييبيع ويشتري عسب يطلع فايدة حلوة
نصيحتي للمستثمر او اي احد يبغي يستفيد ويطلع في السوق ويكثر ارباحه
الارقام الثنائية تمشي ها الايام
والرباعية
والخماسية
ما اانصح احد يشتري اي رقم ثنائي او رباعي او خماسي من دو بهدف التجارة
واللي بيشتري لازم يشتري برخص عسب مايخسر لو فكر يطلع بيزاته من السوق
واللي يبغي يعرف اسعار الارقام
يعني ع كم يشتري وجي
يطرش لي مسج
0506964966
واهم شي التوكل ع الله وعدم الخوف
في تجارة الارقام لازم ماتخاف ابدا الا من الله
اشتر الرقم اللي فيه ررزق وتوكل ع الله
بالتوفيق للجميع
يزاك الله ألف خير أخوي راشد
وانا بكون صريح معك ان شاء الله
يالغالي
مب شرط يعمل في الاتصالات
لانه احيانا يمكن ماتحصل ارقام حلوة في الاتصالات
فانا اقترح للتاجر انه يبحث عن مصادر اخرى مثل
محلات للهواتف المتحركة
لانه هناك تواصل بين المحلات والاتصالات
اصحاب المحلات يشترون من الاتصالات (ارقام ممميزة )
والتاجر يقدر يشتري الرقم بدون مايسجل الرقم باسم حد
لانه صاحب المحل مايهمة التسجيل اهم شي يقبض البيزات
بس لازم يكون عنده محل للهواتف المتحركة علشان يكسب الناس والتعامل مع الوكيل المعتمد للاتصالات
لو التاجر اعتمد ع شراء ارقام الاتصالات ومن الاتصالات مابيحصل ابدا يمكن في المناسبات مثل قبل العيد او قبل عيد الاتحاد وع قولة احد التجار
ويقول المثل مب كل يوم عيد
ويمكن يحصل ارقام حلوة وع حسب طيبة الموظفين في الاتصالات يعني مزاااااااااج
فالسوق الحين اكبر من قبل لانه هناك شبكات قوية في السوق وبامكان التاجر يبحر في عالم الارقام المميزة بمجرد انه يطلب ارقام من الوسطاء
نحن احيانا نظلم الوسطاء
للاسف
ومانعرف انه الوسيط يمكن ايييب رقم فيه رزق
والله اعلم
واي خدمة انا حاظر
ولو تحب تتعامل معاي انا ماعندي مانع انا بعطيك ارقام حلوة وغير مستخدمة
وبسجل لك الارقام لاي شخص وفي اي وقت
اخوك في الله
راشد العوضي
0506848688
اخوي نحن نبا اسرار السوق يعني كيف الواحد يشتري ارقام بدون تسجيل وكيف يسجلها باسم المشتري
هل تاجر الارقام يعمل في اتصالات؟
هل تشترون بدالة كاملة مثلا؟
السلام عليكم ورحمة الله وبركاته
لاتحزن ايها التاجر
يقول الله تعالى في كتابه العزيز (ورزقكم في السماء وماتوعدون )
وبين الله تعالى انه هو الرزاق وانه جل شانه يرزق الدابة وكل من في الارض في عدة مواضع في القران الكريم
فلاتحزن ايها التاجر ….
انت اشتريت ارقام وباسعار غير سعر الاتصالات 165 درهم واشتريت من السوق ب500 و6000 و15000
انا وغيري من التجار نعرف هذه الارقام واسعارهم ولكن غيرنا من اللي مايعرفون شي عن الارقام
مايعرفون فلاتزعل اذا سمعت منهم كلمة (رقمك مايسوى وانت شريته ب 9الاف درهم بقصد التجارة )
لاتظن انك فشلت في تجارتك بمجرد سماعك هذه العبارات ومن حسادك …
تيقن ان الله مابيضيع مالك وجهدك ودام انك سعيت في طلب الرزق واجملت الطلب وماشريت شي يضر الناس فابشر يا اخي العزيز
اجعل من انتقاد الزبائن لك
بداية نجاحك وانطلاقك نحو القمة
توكل ع الله يقول حبيبك وحبيبي النبي صلى الله عليه وسلم (يدخل الجنة من امتي سبعون الفا بغير حساب هم الذين لايسترقون ولايتطيرون وعلى ربهم يتوكلون (متفق عليه)
ويقول صلى الله عليه وسلم في حديث اخر (عجبا لامر المؤمن كله خير وليس ذالك الا للمؤمن ان ااصابته سراء شكر فكان خيرا له وان اصابته ضراء صبر فكان خيرا له ) حديث صحيح
وبصراحة تجارة الارقام الممميزة تجارة صعبة جدا واللي يبغي يدخل فيها لازم يكون انسان متوكل ع ربه وصبور
يمكن تشتري رقم ب 500 درهم ويتم عندك سنة ومحد يستريه منك ولكن سبحان الله
تتفاجأ
انه رقمك ياب 1500درهم
وحصل معي ها الشي
حبيت اخفف عنك وعن التجار والسموحة ع الازعاج
تحياتي
بوسنيده