السلام عليكم ورحمة الله وبركاته
اخواني فالله هاي نصيحة اوجها لكم
البوم عندهم نوعين من للعقود بالنسبة للمستثمرين
1- عقد اسلامي وهو العقد الي يتحمل المستثمر الخسارة في حالة خسارة الشركة وهذا اصل التجارة فما في تجارة ما فيه خسارة 100%
2- عقد ربوي وهو العقد الي يعطى لك جيك ضمان للمبلغ لان اي قرض جر الى منفعة فهو ربا وهذا قاعدة معروفة عند اهل العلم
اخواني متاع الدنيا زائل
والجسم الي ينبت من السحت فالنار اولى به كما اخبرنا النبي صلى الله عليه وسلم
كل الي عليكم انكم تسيرون المكتب وتغيرون العقد الى اسلامي وما في اي مشاكل الحمدلله بعض الاخوة حولوا عقودهم الى اسلامية فالفترة الاخيرة
وانا شخصيا مشترك في هذه المحفظة وتحريت عنها قبل الدخول ولو ان الامور مب واضحة تماما وفي مرة من المرات حاولت معرفة الاشياء اللي يملكونها فالدولة تفاجئت ان مجموعها 60 مليون فقط !!
عالعموم انا ما احرم ولا احلل
المهم ان العقد الي يضمنلك فيه راس المال هذا ما يجوز قطعا
والسلام عليكم
جززاك الله خير بالفعل البعض مايراعي هذا الشي اهم شي الربح…
تسلم عالنصحية يا خوي
ياخي انته مثل ما فاتح مشروع دكان او اي شي راس مالك حاط له خطه خلال هالفترة يرجع لك وعقبها اتعابك المربحه والمعروف داخل انته يا ربح يا خساره حاط بيزاتك ومب عارف انك بتربح ولا بتخسر بس انته بتطبق ودارس الفكرة باقل الاحتمالات ومظهر راس المال وعقبها الارباح وتحمدالله وتشكره
واللحين الناس اكثرهم الاحظ انه يدورون الشي الحلال ولو القليل نحمدالله ونشكره
بس يخافون انه مافيه ضمانات مع انه في محافظ اللي ب 5000 درهم و10 الاف تحس انها ولا شي يوم تعطيك شهريا نسبة حلووه واذا خسرت الشركة لا سمح الله ما تفكر فيها نفس ما حاط 100 الف
بس في شركات ومكاتب عقارات عندهم افكار وتشاركهم براس المال ويخبرونك مشاريعهم المربحه لكن ما تعرف الناس شو يبون بالضبط ما يقتنعون فيهم مع انهم جديرين وجديين بالشغل بس الشركات اللي خسرت قبل مضيعه سمعت الشركات الحاليه الجديده
انا اعرف شركه تحط 10 الاف وتعطيك شهريا تقريبا 30بالميه بدون ضمانات والفتره غير محدوده واي وقت تاخذ راس المال فالشهرين او 3 شهرون تفتح ابوابها للمشاركه على حسب التاجر كم المبلغ اللي طالبنه
واعرف مكتب عقارات تحط 100 الف وطريقه شغله المرابحه في بيع وشراء العقارات دبي والشارجه لمده سنه على حسب البيعه يعطونك نسبه الربح من راس المال
وكله ربح وخساره فالتجاره او غيره
الله يوفق كل مشترك معاهم
هذا للي اقدر اقوله