مرحبا
نصيحتكم افضل طراد 27 قدم

اخواني المشرفين والاعضاء
ان شاء الله بفصل طراد جديد 27 قدم بس محتار
بين
1 _ بن ظبوي
2 _ المـــلاح
3 _ سندباد

من الراش
الدق
الخ… وشكرا
انتظر اكثر المشاركات
ولتعم الفايدة على الجميع

13 thoughts on “نصيحتكم افضل طراد 27 قدم”

  1. السلام عليكم ،،
    سؤالك صعب وهو المعادلة الصعبه ،، شوف أخوي أغلب القوارب او المصانع المصنعه لقوارب 27 في الدوله هيه في الأساس مأخوذه من قالب 27 الياماها الأصلي وبعدها تم التصنيع مع بعض التعديلات منها زيادة في ارتفاع التريج أو الديك لزيادة تحمل الوزان وبعض المصانع زاد السلايج اونه تعديل عن الراش وبعض المصانع تم يعدل في قالب الياماها الاصلي لدرجة اللي يشوفه ما يقول انه قالب الياماها وهو في الاساس ياماها وبعض المصانع ماغير شي تقريبا عن الياماها الاصلي مثل الأوشن وايف وبعضهم غير الشي البسيط مثل مارينا الشارقه وأعتبر الأنجح في فئة وفي اللي زاد من الوزن وهاي اكبر غلطه مقارن بتصميمه وارتفاعه وطوله وهو الختال وهذا اعتبره أفشل تصميم لل27 وفي اللي زاد في حجمه وخلى الطول زي ما هوه وهو بن غليطه والمعروف بالمحيط
    أخوي بقولك معلومه الكثير ما ينتبهون لها كل قارب وله حد معين في تحمل الموج وكل قارب له ميزه 27 ياماها في الاساس مش مخصص للموج العالي مصنع اساسا للخيران والمياه الضحله فغذا انته تريد تروح بحر غزير وتحاتي الموج وانته ما عندك الخبره الكافيه في التعامل مع الموج اترك من 27 وشوف لك قارب بحدود 33 أفضل
    أخوي كان 27 أو 50 قدم يقول المثل الخيل من خيالها
    الله يوفقك

  4. مرحبا أخوي ..

    لا بن ظبوي ولا سندباد ولا غيره .. والي يقولك خذ شي من هاي الطراريد تراه مايعرف في البحر .. يا جماعة الخير .. هاي المصانع بس يابتلك الصبه وسوت الطراد وجربوه في الماي وقالوا لك خلاص هذا هو ..

    يا جماعة الخير .. صنع الطراد مب بس جي تعال وصب الفيبر .. الصنع لازم يمر بمراحل عديدة منها التصميم والهندسة للشكل .. قياس قوة تحمل ضربات الموي .. قياس الغاطس .. قياس الحموله وتوزيع الوزن .. هاي كلها أشياء يبالها حساب .. وحساب هاي الأشياء يبالها ناس متخصصين في هندسة العمارة البحرية .. مب واحد سماج قالك بسوي مصنع .. واشترا له صبه .. وقال ها أحسن طراد في الخليج .. ولو اتلاحظ قوارب الصيد الأمريكية منها السي فوكس تعطيك ضمان مدى الحياة وها لانه المهندسين حاسبينه انه يتحمل اكثر عن الموي الي عننا بعشر مرات .. فيكون وايد آمن للاستخدام ..

    ملاحظة : في مصانع اتقلد صبات الطرادات الأمريكية .. وها يعتبرونه أخطر شي .. لانه المصنع ها ما عنده أي معلومات عن سمك الفيبر .. ولا طريقة تصنيعة .. بس يتبع الشكل . وها يؤدي إلى حوادث أو مشاكل تسريب

    لو تبا رايي .. على الأقل سير عند الظاعن ولا جلف كرافت (أو أي مصنع تسال عنه واتشوف انه بالفعل عنده مهندسين وضمان على الطرد وغيره من هاي الاشياء الي تعتبر مقاييس عالمية) .. على الأقل قواربهم على مستوى عالمي .. وتنباع كذا مكان في العالم مثل ايطاليا واسبانيا .. ولييين استراليا بعد .. والمواصفات الي يمشون عليها .. عالميه .. والتشطيب فوق الممتاز .. وروحك بتلمس الفرق يوم بتشوف الظاعن 27 أو 24 .. الفيبر والتشطيب مستواهم مثل مستوى تشطيب القوارب الكبيره أو اليخوت من ناحيه اللمعان ..واللون .. والنوعية ..

    ماعليك من الي يقولك الظاعن ثقيل .. ترا الحين معظم المصانع يثقلون طراريدهم عسب تكون رزينه في المشي ..

    والسموحة على الإطالة

Comments are closed.