طالب منكم المشوره… أنا خاطري أشتريلي تيلفون بس محتاااار الصراحه…
حاليا أملك السفاير والسروكو اللي قبله ودوم كنت على هالموال… مليت منهم الصراحه…
أبا شي يكون فنان عملي إرسال قوي وبلوتوث قوي وكيمره ويكون بنفس الوقت راقي شوي…
أنا قبل كم يوم قلت خلاص أشد حالي عالبلاك بيري بولد…
وعاد بعد ماقتنعت فيه… المشكله الأولى… حجمه… قلنا ماعليه بتغاضا.. المشكله الثانيه… المحلات اللي أتعامل معاها ماتيب هالتيلفون في حال بغيت أبدل السفاير بالبولد لانه الاتصالات ودو وسيليركوم اضن بس محتكرينهم… يعني قوم المحرك الذهبي والجماعه ماعندهم… وقلنا هم ماعليه… الحين اربيعي توه خبرني أنه اذا سافرت برع البلاد ماتروم اتحط بطاقه ثانيه فيه يعني لازم بداخله اتصالات يعني مايصير لا فودا فون ولا ليبرا والجماعه… عاد اهني قلت بس خلاص انسدت بويهي!!!!! صح الكلام؟
الحين توه عالصبح تميت احوس احوس بالنت… ماحصلت غير Samsung i8510 Innov8 دش بخاطري!!!
طبعا كل شي تتخيلونه بداخل هالتيلفون… وكيمرته 8 ميغا… فيه وايرلس وكل هالامور وبالنت المنتديات الاجنبيه كلهم يتمدحونه…
بس الحين المشكله مافي حد من ربعي حط ايده على هالتيلفون عشان نشاوره… مادري هل التيلفون زين… هل عود وايد يعلق ول من هالكلام؟ يعني تنصحوني فيه؟ واللي عنده اياه يخبرني رايه
أنا اشوف حاليا السامسونج هذا اللي ماخذ الصداره من ناحية المواصفات…
في نوكيا بعد عيبني لكن اكتشفت انه بينزلونه في 2009…. يمكن شهر اربع او سته… يعني بعده مطول… حلو بس مواصفات شوي اقل عن السامسونق…. اسمه نوكيا N97
بغيت النصيحه والمشوره منكم… وانشاءالله ارسي على بر هالمره اذا شي دش بخاطري عشان اخذه اليوم 
أخوي وايد عملي مثل n95 بس أصغر و حلو
خلك على مينونك.
بس اذا حبيت اتجازف انصحك اب C905 Sony Ericsson
X1 ايعلق
Bold its a business phone
try C905 for a change
انا عندي بلاك بيري و سوني X1
بلاك بيري..مجبور استخدمه لانه مال الدوام…فيه تقنيات لكن ما يسوى شي جدام نوكيا سوني x1 ومافيه وايد جرافيكس..والبرامج كلها بفلوس..
سوني x1 ..استخدام ويندوز..وايد تقنيات فيها ويغطي كل احتياجاتك في الموبايل..لكن في النهاية ويندوز موبايل..مرات يعلق بعد ما تضيف عليه برامج ..بس بعدني مرتاح منه ولو انه حجمه صغير شوي لكن التلفون دلع بشكل عام.
تبا نصيحتي؟
لا تبتعد عن نوكيا..
اذا كنت من هواة استخدام شاشة باللمس..بينزل موديل يديد Nokia 5800 مشابه iPhone
أخوي البورصه واليونيسكو… مشكورين عالردود… والله شكله صفينا على البلااااااااك هههههههههههه…
أحسه تيلفون عملي واستعماله قوي….
أخوي دولار… مشكور عالرابط يالس اتطالع ردود الاعضاء يمكن يدش بخاطري شي….
انصحك تدش ها الرابطة وتشوووووووووووف