نصيحه لاتتشترون نوكيا 6233 ولا الخساره فادحه من كل صوب

السلام عليكم ورحمة الله

هذا التلفون المتميز والي ابهرونا الناس فيه ماطلع فيه شي غير حركاته الموسيقيه الي هو الصوت

ولا باجي المميزات مول مب شي ولا يسوي علينا ها التعب الي تعبناه

بصراحه انصدمت انتي اشتريت التلفون اب قيمه 1100 على اساس الضمان الامارات للكمبيوتر وهو من الوكيل وبعد البيعه شوفوا العيوب والي لازم تكونون حذرين منها

التلفون اذا اشتريته من الوكيل ومكتوبلك انه ضمان الامارات للكمبيوتر او غيره فعرفوا انه الضمان هذا غير مجدي لاني سئلت محلات التلفونات وكان هذا هو جوابهم والضمان طلع ولا شي واخرطي
بس زياده على البيعه يعني سرقه
والي يريد يشتري نصيحه ياخذ من الوكيل الي هو الامارات للكمبيوتر او المحل الي يكون وكيل معتمد وعنده محل صيانه مب زاويه في محل وعنده سكاريب ويخبص في التلفون اونه تصليح محل جنه تصليح وكيل

العيب الثاني
رحت ابيع التلفون على اساس انه ماعيبني التلفون ماكمل ثلاث ايام واستعماله سبع ساعات مكالمات صادره ووارده واعتقد بعض الاخوه يعرفون كثره استعمالي للتلفون لانه وايدين يتصلون لاستشارات علاجات قرأنيه يعني مب وايد ها السبع ساعات
قالي مال المحل بشتريه اب 700 عشان انت ريال معروف عدنا ونعرف طريقتك في محافظتك على التلفونات
اتصلت في المحل الي اشتريته من عنده تعرفون كم قالي اب 650 درهم وهذا متوصي فيني

طبعا انا انصدمت من ها السعر وقلت ليش ها الكثر نص سعر التلفون ينزل والتلفون ماكمل عندي كم يوم قالي والله هذا سوقه
قلتله يعني 500 وزياده ببلاش يعني راحت على في الكم يوم على المميزات التعبانه
ياحليلك يا ال N70 والله انك كنت سيدهم بادلت فيه وزدت عليه واخرتها يطلعلي اب 600

ياجماعه هذى نصيحه لكم ابتعدوا عن ها التلفون لانه ماوراه غير الخسر والميزه الوحيده الزينه فيه على قولت البعض انه الصوت وبس وفيه عيوب وايده ذكرتها في موضوع اخر لي

http://www.satfrequencies.com/invest/showthread.php?t=79161

والله يعين بس ياريت النصيحه عشان الي ياخذ التلفون يكون يعرف شو ماخذ ومنتبه

وبصراحه اليوم ضغطي ارتفع من ها الحركه تلفون ماواحاله وبعد يطلع سعره اخر شي اب 600 درهم من 1100 وتوه يديد

الله يرحمنا برحمته

اخر شي اصريت اني ابيع التلفون او ادوسه تحت التاير عشان ابرد حرتي

سلام