السلام عليكم
من فتره كنت حاط موضوح مقارنة الاكس فايف والرنج وفي بعضكم اقترح البورش ووقتها كنت شالنه من راسي
وسرت حجزت اكس فايف
لكن البارحه شفت الاهل حاجزين بورش كايين S وسعره حلو
لكن الاروع يوم شفت البورش GTS بمواصفات كامله ورهيبه ما تتقارن بمواصفات الاكس فايف
وسعره 295000 يعني ارخص من الاكس فايف بوايد ومواصفاته وايد احلى وشكله وحش
انا كنت متوقع سعره وايد اعلي عشان جذا ما كان في بالي
الحين احترت
اتم على الاكس فايف اللي بيوصل في شهر 10 ولا اسحب الديبوزت واحجز لي بورش GTS وقالي بيوصل شهر 12 ان شاء الله
ياريتكم تفيدوني بصراحه مخي مفتر احس البورش وايد داش راسي عقب ما قريت المواصفات اللي فيه
اتمنى من اللي جربو البورش او الاكس فايف يعطونه رايهم بحكم التجربه
على فكره السيارتين موديل 2009
نتريا اراكم الطيبه بكل حياديه 
اخوكم فهد
اخوي العزير
نصيحة قبل لا تشتري جرب تاخذ ايجار
او استخدم موتر حد من ربعك عسب صدق تقتنع
ونصيحة وحده وبس
البورش سمعه واسم عجيب
لكن g55 والله عالم ثاني
جرب سواقة الجي 55 فالشارع وشوف كيف هيبته
بس لا تاخذه ابيض
عليك بالبرونزي اليديد او الكحلي
وركب ارقام دبي مرتبه
وارايل موتورلا الاثنين
وانته والخير رباعه…
هذا من تحربه شخصيه قاعد اعيشها بنفسي
عن سالفة المكينه والله ما عندي فكره يالمنصوري بس فعلا سواقة البورش رهيبه الحلو فيها انها واسعه مقارنة بالانفنتي اللي عندي ووايد اخف بعد
شكرا عالمشاركه حبوب
الاكس فايف اظن راح تتغير مكينتها راح ايبونها 5.0 لتر 407 حصان لان المكينه اللي عليها حاليا قديمه 4.8 بيصير عزمها احسن وصرفيتها افضل عن 4.8 …..
بس بصراحه الكايين سواقته احلى واستخدامه بس مشكله من متى واهو على ها الشكل واحتمال يغيرونه…..
كلام صصصصصصصصصصصصصصح100%