السلام عليكم ورحمة الله وبركاته
شحالكم كلن بحاله
في هذا الموضوع بيكون مفتوح من بعد التداول لين وقت التداول مره ثانية
فكرة هذا الموضوع هو مناقشة ما صار في التداول والاستفسارات الي انتوا تبغونها
يعني بيكون شرات الميلس لنا نتناقش بكل شي نباه يخص الاسهم وخاصه في الي صار في صفحة التداول
وان شاء الله بيكون موضوع مفيد لنا يميع وبنشوف المحللين يدخلون اي وقت ويردون على استفساراتنا
فاتمنى فكرة الموضوع بشكل عام تعيبكم وبشكل خاص تفيدكم المناقشات
وكل عام وانتوا بخير وسهاله بمناسبة قروب شهر الخير والرحمه
والسموحه منكم
ويا الله نبدأ من الحين لحد يوم السبت فليل وقت ما يفتح موضوع التداول
والسلام ختام
اختكم
بنت الأمارات
السلام عليكم ورحمة الله وبركاته
لاجديد اخواني اعمار الى الهدف الذي حددته ان شاء الله 4 دراهم قريبا للعلم نسبة الاجانب في اعمار وصلت اليوم 5.73% والمحافظ المحليه والمحليين نازلين بيع والاجانب مب مقصرين يوم تشوفون 4 دراهم ان شاء سوف يحدث العكس دام مدراء تداول تدير هالمحافظ وتبيع الاسهم برخص التراب ماذا تنتظرون الله يوفق الجميع سهم السهم للمراقبه اللصيقه اشارات دخول من يومين واليوم اعطى اشارة دخول على الاستوتستك للعلم اهداف
1.85
1.95
2.12
ان شاء الله الاغلاق اسفل 1.55 لأكثر من جلستين لاقدر الله يفضل الابتعاد عن السهم وبالتوفيق للجميع ان شاء الله
[
سبحان الله …. ربطنا الداو جونز بأسواقنا وقلنا ما في مشكلة …. وربطنا الأسواق العالمية بالسوق المحلي وقلنا ما في مشكلة…. وربطنا الذهب الأصفر والأسود بالسوق وقلنا ما في مشاكل يلا… والحين نريد نربط أداء السوق بشهر رمضان … مش غريبة كل ما يكون في مناسبة نربطها بالسوق .. ولا شو رأيكم أخواني
لا توصي حريص اخوي تراني بكون صايمه وياكم وما ابغي اجرح صيامي وصيام غيري
عندي موضوع خاص فيني بخصوص الاكل ادخله وقول رايك فيه ها بيكون مرجع لخواتي العضوات وقت شهر رمضان وباقي الاوقات
وكل عام وانت بخير اخوي
ماعليج أمر مانبا نشوف الأكل ألين وقت الفطور وأن فكرتي أتحطين بعد الفطور حطي صحن هريس وجيمات وبثيث