في البدايه هذا او تقرير لي في المنتدى الي بكل صراحة أعتبره بيتي الثاني و ترددت كثرا في كتابه أحداث رحلتي لبوكت + بانكوك. (الكلام موجه لمنتدى المسافرون العرب)
وبكل صراحة انا استفدت من الموقع بنسبة 70% من خلال نوعية الفنادق و الاماكن و المطاعم و الاماكن السياحية الخ علما باني زرت تايلند أكثر عن 10 مرات قبل زيارتي للمنتدى الراقى لكم الاستفادة اتت من الموقع.
عدد المسافرين : شخص واحد فقط (لوحدي)
تاريخ السفر:13/12/2007
تاريخ العودة : 21/12/2007
المدن : 4 ليالي في بوكت + 3 ليالي في بانكوك
شركة طيران : الاتحاد بدرجة رجال الاعمال اما الطيران الداخلي اخذت اسيا اير.
الفنادق : في بوكت بتاونج بيتش / في بانكوك جراند سوفتيل
.. التقرير مصور بالكامل (كنت لوحدي فاضي اصور كل شي) حيث اني صورت الفواتير و الطعام و الفندق و ادوات الموصالات و بعض النشاطات و الاسواق الشعبيه الي ماعتقد احد فيكم راح لها.. ان شاءالله للتقرير بقيه
في انتظار التكمله ……….
وانا زرت بوكيت مرتين اول مره عشقتها وثاني مره كرهتها وسبحان الله كله على حسب الموسم
تقريرك حلو اخوي Sonic
جو بوكيت عجيب خاصه في الفنادق الي مطله على الشاطيء
يعني الي يروح لها مره
بيشتاق ان يروح مره ثانيه و ثالثه (بتحس عمرك عدنان ولا عبسي في الجزر هناك خخخخخخ) مع انها تعتبر ثاني اغلى جزيره في تايلاند من ناحيه الاسعار
الي يبغي يروح يحجز في منتجعات Patong Beach خاصه في منتجع Patong Beach Resort الي لونه احمر
و يحاول يحجز الغرف الارضيه الي مطله على البحر مباشرة (اكثر الاوقات تكون فل)
انا عن نفسي جربته و توزعت الفندق من داخل حلوه و هو عباره عن منتجع 4 نجوم
بس عيبه انك تروح بطياره من بانكوك لـ بوكيت تقريبا 45 دقيقه و الله يعينك على المهنده الي فيها (غربلهم الله موجودين في كل مكان)
و نصيحه الي يبغي يحجز رحلات لجزر بي بي ولا جيمس بوند ولا للحدايق الداخليه ولا غيرها في بوكيت
يحجز من مطار بانكوك ولا يحجزها من المكاتب السياحيه لان اسعارهم اغلى و يقولون انه يسووووولك خصم و من هناك ماخذين فايده من وراك (نصيحه مجرب) و الحجز في المطار سهل عشان لحد يقول ما عندي وقت احجز , هي مجرد كوبونات تحجزها من عندهم و تكتب اسمك و رقمك و الفندق الي انت بتسكن فيه و بيعطونك الكوبونات و فيهم اوقات الرحلات
و اخوي Sonic
انا ما ادري اذا خلوكم تدخلون سباق التجديف قبل لا تروح جزيرة جيمس بوند , يخلونك تجدف و معاك المرافق
اذكر ان كل العالم يمشون سيده و انا الوحيد الي كنت ارجع ريواس خخخخخخخ
شي مظبووووط يا Sonic
نترياااااااا المزيد !!!
السفر الله يسلمك على أول شهر 4 ولمدة شهر كامل الأسبوع الأخير مخصص لزيارة ماليزيا
أبغي اسير ويا الحرمة الأماكن السياحيه مثل الجزر اللي مريت عليها في موضوعك بوكت جمس بوند بي بي مع المرور لبانكوك للتسوق (واذا في اماكن ما اعرفها حطها في الجدول)
أهم شئ الفنادق في بوكت لأني سرت مره من قبل وتوهقت بفندق عاقينه بمقطعه وكرهت بوكت ورجعت باليوم اللي بعده (تقريبا زيارتي كانت لمدة 12 ساعة ) وقلت توبة أرجع لها مره ثانية
بغيت ترتب لي جدول حلو لمدة ثلاث اسابيع