إلى أبناء امارة رأس الخيمة
نناشدكم بالإنضمام إلينا والتوقيع هنا على طلب إقالة ميشيل سقال مدير وزارة الأشغال برأس الخيمة وتعين أحد أبناء رأس الخيمة فهم الأجدر بهذا المنصب
فشاركونا وساعدونا في تحقيق الحلم الخيماوي
79 thoughts on “نناشدكم الإنضمام إلينا والتوقيع هنا على طلب إقالة ميشيل سقال”
Comments are closed.
تشكر القلم الحر على المجهود
بس تحمل من الشاحنات و انت تصور
بسم الله الرحمن الرحيم
هذه شوية صور قبل نص ساعة صورتها
وبإذن الله برفع لكم أكثر وأكثر
(للعلم بعض الصور أنا نزلت من الموتر وعبرت الشارع عسب أصورها بوضوح والصور الباقية يايه)
ماقدرت أروح صوب المناطق الثانية لأن المنظر فعلا مخيف (منظر الشوارع)
انا رجعت للموضوع . علشان عجبتني في اسلوبك الجميل . وفي طريقه تعاملك مع الآخرين وان دل فانه يدل على انسان صاحب مباديء وقلم يضيء ويسمع ويقف مع جراح الىخرين .
وعجبني قلمك طويل العمر .
الصراحه مناطق راس الخيمه كثير متضرره من الامطار . شارع خران كله من باديه كنتاكي الى دوار خران . 4 مادري 5 اماكن .
لكن شو نقول وشو نتكلم . ومنو بيسمعنا . لاحيله فينا علشان نجابل بارك الله فيك . يباله قلم يخط ويوصل للآخرين مدى التأثير على الجميع .
والله حرام لو متخذين فيه قرار يمدون مجاري جان مابتشوف 5 تناكر البلديه واقفين عند درهم ودرهمين يشفطون ماي .
كم وكم سياره تعطلت في الماي . انا قلصت 1 وطلعته . سيارات غرقانه .
مانعرف شو نقول والله ، الى من نشتكي . الكل تراه يشوف .
دوار اللي عند جمعيه الاصلاح متروس وغرقان ماي .
كل ماتدور تشوف وديان عالشوارع . لاحيله ياخوووي لو في حد نعرف ان بيسمع رمستنا جان رمسناه .
ناس متضرره بسياراتها ،
الحين عى الماي الراكد دور البعوض ياي بيقطعنا تقطيع .
الى الله المشتكى ، واسمحلي اخووي اذا غثيتك .
مشكور على المجهوود
نتريا الفضايح
نصيحه اذا تبا صور دسمه انصحك تروح الجولان و ضواحيها
و النخيل و شارع الرمس
بنشوف العجب العجاب
رجعت لكم
خذيت لي لفة بالموتر وصورت لكم صور مناطق مختلفة والشوارع
برفع لكم الصور قريبا