نناشدكم الإنضمام إلينا والتوقيع هنا على طلب إقالة ميشيل سقال

79 thoughts on “نناشدكم الإنضمام إلينا والتوقيع هنا على طلب إقالة ميشيل سقال”

1. لا حول ولا قوة الا بالله

   و بصفتي شاهد عيان ومتضرر من السير على شوارع رأس الخيمه

   انضم لكم بالتوقيع

   ولكن سؤال بريء

   هل تكفي استقاله ميشيل

2. دائره حكوميه وللحين فيها مدير اسمه ميشال
   تأكدوا ياجماعه ليكون مواطن مسمي ابنه
   ميشال .انا الي اعرفه ان اكبر نسمه مواطنين
   في اماره راس الخيمه .مافيهم واحد يسد
   هذا المنصب ؟؟؟؟؟؟؟؟؟؟؟
   حسبنا الله ونعم الوكيل

3. انا من بوظبي واضم صوتي الكم

   انا دايم اسير راك بس الخووف من شوارعها والله هلااااااك

   الشارع الي صوب الرفاعه سيدين بس واحد للشاحنات و الثاني للسيايرر المسرعه

   و التحسينات اقصد التخريبات الي حذال السوق الكويتي من متها وهم يسوونها

   الله يعييين

4. أقسم لكم بالله لو كنتوا براس الخيمة بتبكوا على حالنا لما تشوفوا الشوارع

   ياخي صرنا نسوق فوق الرصيف من كثر ما الشوارع فيها خنادق ووديان بكبرها

   والشاحنات رايحه ويايه والغبار بكل مكان والحوادث بكل مكان

   والمواتر الوكالة تخترب من ورى هالشوارع

   أقسم بالله ولا كأن عندنا وزارة أشغال

   أمسات صار حادث توفوا ثلاث سوريين (حرقا) واثنين من ربعنا بالمستشفى ..

   والسبب شارع طوله متر للرايحيين وللراجعين

   حسبي الله ونعم الوكيل

   حتى ما نقدر نمشي برجولنا من كبر الحفر
   كبيرة كبيرة

   الله أكبر

   أكيد بضم توقيعي لكم

   وياليت يوصل القرار للشيخ سعود بن صقر (الله يحفظهم)

5. تعرجات وحفر في الشوارع

   

   

   ياعالم

   والله العظيم ان سوال شاغل بالي

   هل يوجد وزاره اشغال فراس الخيمه

   والله حرام اللي يستوي

   والله اني الحين حسيت بمعاناه شركات التامين من حاملي رخص القياده اللي مصدرها راس الخيمه

   شارع حيوي جدا فراس الخيمه استوت فيه حفر عميقه بسبب الامطار

   الحل: محطين تريب طين فالشارع عشان الحفر

   والله مسخره ما بعدها مسخره

   كل الشوارع اللي فيها ماي ولا شفت اي شارع تم سحب الماي منه

   سؤال الى ميشيل سقال

   يا اخي استحي على ويهك واستقيل

   احنا فراس الخيمه شو اللي مخربنها غير هاي المحسوبيات والواسطات

Comments are closed.