مرحبا اشحالكم
بصراحه عندي ملاحظة في شارع الامارات من الخط الممتد من الحميديه في عجمان الى شارع الامارات باتجاة الشارقة
وايد ** نوق ** سايبة يعني مرتين كنت بروح فيها وانا يايه من الدوام والا رادة يعني مب واحد ولا اثنين اكثر عن واحد ويتمشن على راحتهن وخاصة لو انك يايه على سرعه معينه بعد يربعن صوب السيارات يتحمسن اكثر يوم يشوفن سيارات
مع انه على شارع الامارات اتراوالي سياج بس كيف اعبرن ووصلن للشارع
انزين اذا حد يبا يبلغ كيف ووين
لا اتقولون اتصل تراني استحي اتصل الشرطة واقول
اذا حد فيه شدة يتصل ويبلغ عسب يدورون حل لهن
والله يحفظ الجميع من شر الحوادث
والله ونعم الحلول
صدق لو ينزلون قرار اللي يحصلون ماشيته ماشيه في الشارع يذبحونها ويوزعون لحما على الفقراء بيتادبون اصحاب النوق
ومشكور على الصور المعبرة والله خفت اكثر ما كنت اتوقع انه جيه حوادثها خطيرة
الله يكفينا شرها
وسلمت على الصور
ثرى الجماعة كلهم يعانون بس صاخييين
باجر من الصبح دق الهم هاي مهمة لازم اتنفذها من اجل الحفاظ على ارواحنا
صدقك والله عنبوه محد منتبه لها الشيء يعني والله حرام صدق تتفاجأبهم في الشارع
الله يكفينا شرهم ان شاء الله
وما قصرت اخوي على مشاركتك
ما تقصر انته بتتصل تراني ما اتخيل اتصل واقولهم عن السالفة حس سوالف ريياييل وانا اتلوم
وتباني اغنيلهن انا روحي ارتجف لووووووووووووووول اختم القران كامل وانا اعبر ما بينهن
يا الله اذا فيك شده بلغ وبكون لك ممنونه
ياخي المشكله أن أصحابها هم ألي يهدوهن في الشوارع وبدون مراقبه وأذا حد دعمها ياك يبي قيمتها والله قوي عين
بس اذا في الحادث حاله وفاه يمر ولاكنه صاير شي ولو سألته من صاحب الناقه يقول مدري وهو يكذب (مرعلي هذا الموقف) علشان مايتحمل المسؤليه
الله هذي هي أكبر مشكله عندنا
أتمنى أن ينزل قرار يقولون أي شخص يحصل بعير على الشارع يوقف ويذيحه بأي وسيله متوفره عنده والله أصحابهم بيخافون عليهم وبنفتك منهن
والسموحة منكم بس أكتب من القهر ومن أهلي وربعي ألي راحو في مثل هذي الحوادث