نوكيـا الجديد للبيع 8800

16 thoughts on “نوكيـا الجديد للبيع 8800”

1. صحيح كلن برايه ويحط سعره

   لكن مثلا انا لو كنت ناوي اشتري التلفون ب السعر لي حطه وشفت مثلا احد حط نص السعر

   يمكن اهون واقول التلفون ما يسوى

   مع انه الريال حط سعره ليش الناس اتنزل بالسعر ان ما عيبهم السعر مب لازم يردون

   لو ما كان محدد جان لا بآس لو يحطون بدرهم

   يعني انتو شفتو الطريقه كيف ف الرد

   تقدر اتحط السعر بأسلوب ارقى اشويه

   مثلا

   اخويه التلفون يسوى وانا سعري كذا او انا اقدر اخذه بهذا السعر

   مب الطريقه لي ردت ابها

   شوفوها اللحينه حتى ما شاركتنا ف الردود يعني شافت الموضوع ونسته

   وانا افضل لي يبا يحط سعر نازل يطرش رساله خاصه اخير عسب ما يخرب على البائع

   والسموحه منكم جمعيا

2. انا ماعرف ليش بعض الاعضااء يزعلوون اذا حد عطااه سعر اقل

   ترى هذي التجاااره طلب وعرض

   سعر اقل وسعر اكثر

   ومافيهاا شي اذا ناسبك السعر بعته واذا ماناسبك طبعاا بضااعتك عندك وفلووسهم عندهم

   ومافي داعي لتكبير الموضوووع اكثر عن اللاازم

   وبالمباارك للبااايع والشااااري

   والسموووووووووووووحه منكم

3. الغالي وللاخوان الباقين التلفون هذاا سعره كل اسبوع ينزل اليوم واصل سعره جديد ب 4800 درهم بمقارنة سعر الاسبوع الى فات ب 5200 درهم وقبله ب 6000 وقبله ب 7000 وانا بكلمة من اخوان اصحاب محلات تلفونات انه بالاسابيع القادمة بينزل الى 4000 درهم وبيثبت سعره الين ما بينزل شكل جديد وبيبدأ للنزول من جديد

   ان كنت حاب تبيعه لظروف وما بيها زعل بين البايع والشاري عجبك السعر او ما عجبك بالتوفيق ان شاء الله
   بعدين السوق الشاري يباا يشتري باقل سعر ممكن يوصله فالبنت الى كتب 3000 حطة سعرها والبايع حر يبيعلها او يرفض عرضها

4. التجاره اخذ و عطى

   البنت عطت السعر يمكن هي اللي تقدر عليه

   وراعي الحلال هو الوحيد اللي يقدر يقبل او يرفض

   و بالتوفيج للمشتري

   قيصر

5. ريم الله يهديج ياختي

   لو بـ3000 ماببيعه اصلا بستخدمه وماببيعه بها السعر

   صح اني محتاي ابيعه بس مب لها الدرجه عاد تبخسين التلفون على العموم ابشرج الموبايل بعته البارحه الى احد اعضاء المنتدى واذا شاف كلامي ياليت يقول رايه جدام الاعضاء عن التلفون

   والشكر كل الشكر مقدم الى اخواني اللي ابدو رايهم في الموضوع في ذمتي احبكم في الله

Comments are closed.