السلام عليكم ..
عندي لستة سيارات من النياسين اليديده.
ال vvip و ال le مكينتهم 5.6 ثمانية سلندر 400 حصان, رنقات 20, جلد او شامواه
ال se مكاينهم 5.6 ثمانية سلندر لكن 320 حصان, رنقات 18 و كلهم شامواه
نيسان vvip أبيض = 320,000 درهم
نيسان le رصاصي: فل ابشن, 4 كاميرات + رادار + 3 شاشات + نظام امان + نظام ملاحة = 288,000 درهم
نيسان le اسود و ذهبي, كاميرا ريوس, شاشات, نظام ملاحة = 270,000 درهم
نيسان se رصاصي,كراسي سود,كاميرا ريوس, شاشات, نظام ملاحة = 257,000 درهم
نيسان se عنابي و ابيض, بدون مواصفات , فتحة سقف و دبة تماتيك = 198,000 درهم
نيسان se ابيض و اسود, بدون مواصفات, مسجل عادي مع سيدي = 188,000 درهم
——————————————–
لأي استفسار 0507886068
سيف بن عاضد
الحلال حلاله يا عيال الناس
واللي يقول في الوكاله ارخص
يحتفظ لكلام لعمره ولوكاله مبطله
لا تبخصون على الريال
ربيه يوفقك يا خويه
AD Boss ..
اخوي .. هذه مواتر للبيع مب ياييب لستة من الوكاله و الاسعار اسعاري مب السعر الي في الوكاله.
يعني بضاعة للبيع.
راعي هاردتوب ..
في قانون و موضوع في المنتدى انك ما تبخص ببضاعة غيرك
انتوا لين متى بتمون جذي؟
إذا اغلى من الوكاله ياخي سير خذلك واحد من الوكاله.. ياي تقولي انا؟ انزين تراني انا ماخذنهن من الوكاله و اعرف اسعارهن في الوكاله!
لف المعارض و دور نفس السعر و إذا حصلت أقل عن سعري ياخي روح اشتريه ولا تصدعني و تبخص في بضاعتي
في الوكاله ارخص اخوووي
موفق بإذن الله … لك مني أجمل تحية .
لا يالغالي 277 للفل الكامل وطبعاً الفئه الاعلى من الـvip من حيث الشكل الخارجيpatrol city تيي ببمر امامي مختلف ورنقات دخانيات والفي اي بي نفس شكل العادي بس ايي كروم على الابواب ومن الخلف والكتابه بالذهبي
ومن الداخل الكراسي مفصوله لراكبين فقط والسيتي كراسيها 3 ركاب سعرها بعد 277 وبتتوافر في نهاية شهر 6 او نصه والفل العادي اللي ذكرته ب 288 يبيعونه على 277 للأسف كنت متوقع اييبون السيتي بداية 5 لاننا حاجزينه وكنت ناوي اجربه واعطيكم سلبياته وايجابيته بس الوكاله قالوا مابيوصل احين
نيسان le رصاصي: فل ابشن, 4 كاميرات + رادار + 3 شاشات + نظام امان + نظام ملاحة = 288,000 درهم
هذا سعره 277 بعد الخصم العادي واسمه LE3
نيسان le اسود و ذهبي, كاميرا ريوس, شاشات, نظام ملاحة = 270,000 درهم
هذا LE2 اللي اعرفه كراسيه جلد ومافيه رادار وايرباقين بس وسعره 245 على حسب معلوماتي البسيطه
وهن ثلاث فئات للـ400 حصان LE1 & LE2 & LE3
وبخصوص الSE عليه مكينة الارمادا ويختلف وايد عن الLE من حيث الانظمه المستخدمه
والفي اي بي معروض في المنتدى قريب الـ290 و لو خيروني بين العادي والفي اي بي وعطوني الفي اي بي ارخص باخذ العادي لأن كراسي الفي اي بي الخلفيه وايد ضيقه ولراكبين اثنين..
اما باقي المعلومات غير متأكد منها على العموم يزاك الله خير على نقلك للأسعار واتحملوا من بعض الباعه في الوكالات لانهم يرفعون الاسعار
وتسلم على معلوماتك الطيبه ونقلك لنا الاسعار وإن شاء الله اكون صححتها لك وشكراً لإفادتك للأعضاء
ويعطيك العافيه
__________________
موفق بإذن الله … لك مني أجمل تحية .