نيسان بترول 2011 فل اوبشن بدأنا باستلام الطلبات

9 thoughts on “نيسان بترول 2011 فل اوبشن بدأنا باستلام الطلبات”

1. السلام عليكم أخوي فلاح
   
   تصحيح لمعلوماتك
   
   الفرع اللي تتكلم عنه مش فرع لوكالة بهوان!!!
   
   هذا كراج عادي وتم التعاقد معه من قبل وكالة بهوان
   
   واسمه (( دينا تريد)) وموقعهم في مصفح-أبوظبي وتقدر تصلح عندهم أي سيارة مش شرط تويوتا
   
   فقط للتوضيح

   السلام عليك اخوي… بالنسبه لتعليقك ان داينا تريد كراج عادي..

   انت رحتلهم وشفت معاملتهم وكراجهم؟؟!!!!!!!

   بالنسبالي عندي ستيشن.. خذته اصفار من معرضهم اللي بشارع المرور.. Gxr-v8
   أول شي اسعارهم… خذته ابيض 180,000 وخذنا ستيشن ثانيه حق اخوي من الفطيم 215,000 بنفس المواصفات.. واللي عندي فيها نفقيشن زياده.. الشاشه الصغيره..

   بالنسبه لتصليحاتهم وتجييكاتهم.. القطع كلها وكاله.. احجز موعد ويخلصولي السياره وانا واقف.. اكثر مره طولت 4 ساعات بس..

   بالنسبه للضمان.. بدلولي قطعة الشفت اللي تسوي النقعه (اغلب الشباب اللي عدهم ستيشنات يعرفونها) بدون ما ادفع ولا فلس.. اللهم ترييت اسبوع لين يابوها من البريمي.. (فيه كراج عادي بالعالم يعطيك ضمان ويبدلك قطع بأمر المصنع!!! اذا كان فيه فأنا ماعرف عنه ولا جد سمعت)

   أنا اجيك في بوظبي.. ومن شهر رحت فرع العين (مكان وكالة الرنج سابقا).. وفي السستم مبينه كل التجييكات السابقه.. وظاهره عندهم في الكمبيوتر.. (فيه كراج عادي يكون السستم فيه مشبوك مع الوكاله وكافة الأفرع!!!)

   عدنا لكسز 460 وتجييكاتها بعد في داينا تريد..

   للعلم بس في بوظبي عدهم 3 فروع..

   1- فرع للكسز فقط (في البلوك المقابل لفرع تويوتا) ما يجيك الا سيارات لكسز
   2- فرع للتويوتا والهوندا أظن وبعد شي ( نيسان) (يعني السيارات اللي وكيلهم البهوان.. تعرف البهوان مب ماسك تويوتا بس.. عنده اكثر من وكاله)
   3- فرع التصليحات والحوادث..

   اتمنى مداخلتي ما تكون ازعجت حد لكن انقهرت لاني ما شفت منهم الا طيب المعاملة وسرعة ودقة الانجاز و رخص الاسعار مقارنة بالفطيم.. (دايما اقارن انا واخوي والافضلية لبهوان بحكم ان عدنا نفس السياره من وكيلين وممشاهم تقريبا نفس الشي)..

   وديتلهم اللكسز مره.. قبل ما يركب السياره يغلف السكان ولبسة الكراسي للكرسيين اللي جدام.. يوم يشتغلون عالمكينة يحطون البروتكتر مال الرفارف..

   وغير هالمره وديت لكسز الحرمه الفطيم فرع العين.. وزين نسيبي كان معاي لانهم يوم خلصوا كانت السياره مشحوفه من ورا.. ونحن وياهم بظرابه لين ما صلحوها.. تمت اسبوع عدهم.. والفطيم امورك تمشي اذا كنت تعرف حد او تحطلهم المقسوم ساعة التجييك..

   ما اظلم حد لكن هاي من المواقف اللي صارتلي وجفتها بعيني..

   ودمتم بود

2. دينا تريد كراج عادي ؟؟؟؟؟؟؟؟؟

   لا تعليق

3. اخوووي بس عندك نيسان ولا موااتر ثاانيه ؟؟

4. موفق بإذن الله … لك مني أجمل تحية .

Comments are closed.