السلام عليكم ورحمة الله وبركاته …
فيه نيسان حبينا نعرف كم بيكون سعره ..لو فكرنا نبيعه في هالوقت …
المواصفات:
-نيسان موديل 1994 …
-طويل …
-جير عادي …..
-اسود من الخارج…
-جلد بيج من الداخل …
-رقم واحد …sgl
-دفلوك …
-مسجل وسيدي الوكاله …
-ماشي فوق ال 300 الف ..
الملاحظات:
– سيارة عائلية من طلعت من الوكاله ..
– كرسي الدريول ( اليلد منقطّع من تحت ) ..
– السكان شوي متقشر ..
– السياره صبغة الوكاله ..((( والتخطيط مال الوكاله محلط شوي 
)) ..
– بدون مدعميه … البمبر العادي وعليه الربلات السود مال الوكاله..
– قاعدة الجريكن موجوده بس الجريكن الله اعلم منو هفّه ..
ياليت لو الاعضاء والخبراء .. يقيمون السياره المذكوره اوصافها اعلاه … وان شاءالله بشاور الريال لو كان يبى يبيعها لو كان السوق مشجعّ لبيع النيسان في الصيف .. او تراه بيتم لين موسمه في الشتا وعقب بينعرض للبيع..
اتمنى التقييم في اطار الموضوع نفسه ..عشان تعم الفايده …
ودام انه بس تقييم … ارحّب بكل الاراء .. الخبراء وغيرهم اللي يبون يبخسون الناس اشياءهم …. 
والشكر للجميع
ممكن صور للسيارة عشان نقدر نقيمها
بالطريقه هذي يمكن نظلم السيارة
ولا شو رايكم
مساك الله بالخير اخوي
شوف اخوي
لو انك بتبيع بعطيك 19000درهم لاني ادور الفايده مثلك خخخخخـــ
بس طلما انك تسأل اذا الموتر مثل ما قلت فسعره الحين 25 درهم كحد اقصى و22 كحد ادنى
في الشتا 27 او 28 على البراااااااد
السوق اللي فيه قرمبعات وتلاقيهن على ما اقل من 20
هذا اللي اعرفه والله اعلم
دمت بخير
الشيخ موترك يسوى من 20 لغاية الثلاثين ويمكن يوصل لل 35 إذا الموتر وكاله ومغري الشكل
تحياتي بوسعيد
والله يا طويل العمر
بيفرق معاك بين الصيف والشتى الف والا الف و500
على حد علمي
لانه النظيف ماسك سعره
واذا فكرت تبيع خبرني
لانه فلوسي زاهبه
واخترشت عليه