نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟

47 thoughts on “نيسان 2010 والناس”

  1. من شب على شي شاب عليه

    يعني الي تربى على هالشي من الصغر صعب يتغير مهما كان ولو تلاحظون الغالبيه تتسلف وتدين رغم الديون الي عليها بس في سبيل انه يكون اول واحد يركب السياره

    وهذا الفرق بينا وبين الدول الثانيه

    والوكيل طبعا منا وفينا يعني يعرف تفكير عيال البلاد ولذلك هو يلعب على هالوتر الحساس (التميز)
    كل واحد يبى يتميز حتى لو ماعنده

  4. شـكــ وبارك الله فيك ـــرا لك … لك مني أجمل تحية .

    وكلامك صحيح

    بس في ناس تحب اتكون اول من يكون عندهم

    النيسان

    وعلى العموم الله يوفق الجميع

Comments are closed.