السلام عليكم ورحمة الله وبركاته..
حبيت استفسر عن اسامي القراجات اللي تقدر تقص وتضبّط لي موتر نيسان موديل 98 على شكل 2008..
لو اي حد عارف شو القطع اللي لازم تتبدل وشو اللي ممكن يتضبط .. وكم تكلف قطع الغيار .. وكم بيكلف الموتر وشغل ايدين راعي الكراج …
ولو حد يعرف اي كراج يسوي هالشي ..ياليت يفيدني …
ومشكورين
نصرتيتو .. الصور Before & After لو تكرمت
هلا خوي نصرتيتو 10 وين مسوي موترك عند اي كراج ؟ وممكن اشوف موترك عشان اشوف الشغل قبل ما اسوي موتري ………
وسلامتك ……………….
هلا خوي نصرتيتو 10 وين مسوي موترك عند اي كراج وممكن اشوف موترك تراني في خاطي اسوي موتري بس حاب اشوف الشغل ….
وسلامتك ………………
شوف ياحبيب الشعب أنا محول سيارتى
بس قطع الغيار كلهم وكاله وتقريبا” بيكافوا 13 الف
شوف شوه تبدل بكتبلك كلهم قطعه قطعه !!
نبداء من جدام ..
1- البونيت
2- مداجير اثنين يمين يسار
3-شبك طويل تحت المشاشات
4- ليتات طبعا” الى جدام
5-مدعميه كبيره + صغيره جدام
6-قاعدة للمدعميه الجداميه
7-كشافات اثنين صغار جدام
8- قاعده للكشافات
9-الشيك لازم يتغير
10- شعار النيسان يجيك بروحه
خلصنا جدام نرجع وراء
1- اصطابات اثنين كبار
2-مدعميه وراء
3- قاعدة المدعميه
4-الباب الصغير تركبله قطعه طالعه برا شويه
5- غطات تاير السبير
نرجع للوسط
1- ست قطع سفاري كبار على التواير والبيبان
الصوبين …
2-الدواسات تحت البيبان الطويله النقله لازم تتغير
هاذا بس الشكل الخارجى !!
غير شغل الكارج مايقارب 5000 آلاف درهم
قص وصبغ وسمكره وتركيب واحسبلك اسبوعين أو عشرين يوم لين تخلص السياره !!