السلام عليكم جميعا

ودي اعرف الى متى هذا الاستهتار والنصب الي يصير بالبلاد وخاصه بموضوع شركة 3d venture
معقوله لا حسيب ولارقيب اليوم انا شفت كل الاجراءات بعيني والله حراااام …تخيلوا شركه عقاريه وهي المطور لمشروع لؤلؤة الامارات تغلق فجأه بلا حسيب…..يعني سالفه قبلان وقلنا ناس ساذجه واحييينه ناس خذت على اساس شركه في دبي وتعمل على اساس القانون وتعطي العملاء اوراق ثبوتيه وagreement يعني كل شي ماشي حسب القانون مافي لف ولادوران ….راعيها هندي يهرب والمصيبه بمبلغ يزيد عن ال100 مليون ماشي رقااابه من المصرف المركزي بتحويل هذي الاموال خارج الدوله…..تخيلوا ربيعتي تتصل بدائرة الاملاك بعيمان يخبروها مانعرف شي…تتصل بمؤسسه التنظيم العقاري يخبروها قدمي شكوى …وانزين وبعدين المبالغ مب بسيطه والريال شرد …والارض تابعه لشركه ار هولنج يعني تحت ملكيتها مب تحت ملكيه المطور 3d venture….لانه مب مكمل اقساط الدفع للارض…وطبعا لافي بنى ولاغيره….هل المعقول انه كل واحد يفتح مكتب وينصب عالعالم ويسير بلاده ويكون شعارهم الامارات للثراء السريع بالنصب……والله شي يقهر…الناس الي فتحت بلاغات يخبروهم بالمركز لااااا جديد بالقضيه الريال شرد….هل من المعقول الواحد ما يشتري عسب يستثمر بيزاته مستحييل الي ياليس يسير…..ماشي قوانين كيف مطور يشرد بهالسرعه والعملاء شو يسووون …خلاااااص خيرها بغيرها لين متى …والله حراااام
…..شو الحل بموضوع هالشركه العقاريه لانه العالم مب عارفه راسها من ريلها

9 thoughts on “هالمره ودي راااس عوود يرد على كلامي بالمعقوووول”

  1. القوانين غير صارمـه و في تساهل من الجهات الرسميه..

    و في الوقت الحالي كل المنظمات العالمية الخبيثه حاطين عينهم علينا..

    بما معناه هذا التاجر اذا ما قدر يكمل المشروع و فشل يقولون الغلطه من الجهات الحكومية و البنوك لأنهم ما درسوا المشروع و تم تمويل المشروع..
    الغلطه مب غلطة الفقير المسكين الهندي او غيره..

    و في النهاية الضحيه المستثمر الغافل..و الغافل له الله!!

    و الصراحه انتوا غلطانين حد يستثمر فلوسه عند هندي!! ليش ما تستثمرون في الشركات الحكومية!!؟

  2. الله يعين والله هالزمن الواحد يبنيله بيت حقه وحق عياله ابرك له من الاستثمارات في الوهم !!

  3. دبي مرتع لكل أشكال النصب…….. أما سالفة ان كل واحد يفتح مكتب و ينصب على كم واحد، و بعدها الشرررررررده. هالسوالف من زمااااااااان و من التسعينات، و انا واحد من اللي عايشوا مثل هالنصب و ((( بغض النظر عن الجنسية ))) ألف خط ،،، بس الحمدلله يات سليمه.

    على فكره،،،، من عام 1997 و لين يومكم هذا أطالب شخص بـ 100 ألف درهم و ناسيها،،، شكلي برفع دعوى مدنيه لأن الحق الجزائي تم الحكم عليه و سجنوه 3 أشهر، و بعدها طلع و فرررر،، الله يهني المحاكم برسوم رفع الدعوى (10%) و هذا ان قدروا يردون لي المبلغ.

Comments are closed.