هامور مشوي ورز مشخول


بما اني امس قمت بتعذيب بعض الاعضاء بهذه الصورة فقررت وضع طريقة عمل الاكلة علشان كل واحد منهم يراوينا شطارتهم ويسويها بنفسه

هني وعافيه مقدماً


المقادير والطريقة مع بعض


سمك هامور منظف ومغسول جيدا ننقعه في عصير ليمون ورشة خل ونتركة نصف ساعة لين ينزل الزفر
بعدين نغسلها زين بالماء ونتركها على جنب
ندعك السمكة بالملح والبهارات كلها حتى داخل البطن والبهارات اللي استخدمتها(فلفل اسود-كاري-بهارات سمك-بهارات مشكلة-ليمون عماني اسود مطحون)
بعد مانتبلها بالبهارات نجي نحشيها بالبصل
الحشوة عبارة عن بصل مقطع مكعبات صغيرة نخلطه مع رشة ملح خفيفة وليمون اسود مطحون
نضع السمكة في صينية مفروشة بالقصدير (اسهل لك في غسل الصينية)ونقطع عليها فص ثوم وطماطم ونرشها بملعقتين زيت

بعد هذا كله نغلق صينية السمك بالقصدير ونخلي فوقها البصل اللي غلفناه بالقصدير ونخليها في الفرن الى ان تنضج (حوالي ساعة الى ساعة ونص حسب حجم السمكة) بعدين نفتح القصدير ونخليها تتحمر من فوق وقدميها مع الرز الابيض
انا قدمته مع الرز الابيض مع شوية زبدة ونثرت فوقه البصل والبطاطا المحمره..

وبالعافية عليكم


59 thoughts on “هامور مشوي ورز مشخول”

  4. الله يسلمج اختي
    المشكله انه المطبخ على زاويه الصاله و ماشي باب نظام امريكي ههههههههههههههههه الحين عرفتي ليش ماطبخ بحري بس يوم ارد البلاد كلام ثاني لانه البيت نظام اماراتي المطبخ بعيد

    اها اذا عرف السبب بطل العجب

    ترد بالسلامه اخوي العزيز

  5. اسميج عيوووز مب هينه طبيخه هاااا لووول انا ماحب السمج بس عشانج باكل متى بطرشيلي اهم شي بطااط ويااه لووول ولا تنسين تزيدين حق عيالي

    ام امايد شوي شوي على البنت عاد انتي بروحج يبالج جدر هامور خخخخخخخ

Comments are closed.