مساكم الله بالخير جميعا
من فترة شفت اعلان لاحد الاخوان كان يسأل فيه عن قالوصة للدراجات أو للامتعه فحبيت اليوم اشارك معاكم ما توصلت إليه
صارلي أكثر من شهرين وأنا أدور على قالوصة للامتعه ومريت على أكثر المحلات اللي يفصلون قواليص بعجمان ولقيت بس شركتين متخصصين في القواليص الاولى ( ماستر تريلا ) والثانية ( امارات تريلا ) والشركتين ماعليهم كلام بس عن نفسي فضلت الشركة الثانيه.
يا اخوان لازم الواحد فينا يوم يفكر يشتري قالوصة يفكر باشياء كثيرة منها الامان والمتانه ومدة الاستخدام وهذا اللي بتحصلوه في الشركتين اللي ذكرتهم لكم واكيد حابين تعرفوا ليش فضلت الشركة الثانيه طبعا هذا رايي الشخصي بصراحه لقيت انه الشركه الثانية اسعارهم منطقية اكثر من الاولى ممكن تكون نفس الاسعار أو أغلى بس على الشغل اللي يعطونك اياه يستاهلون لانهم يفصلون على طلبك والمواد اللي يستخدموها تتحمل اي وزن وبأي ظروف وتقدر تمشي فيها بسرعات عالية بينما الشركة الاولى بس تفصل الفيبر جلاس ووعندهم أشكال معينه يجبروك انك تاخذ وحده منها والاهم انها ماتتحمل اوزان ثقيله.
السموحة على الاطالة في الموضوع بس حبيت اني انبه الاخوان انهم ما يسترخصون ويستهينون بموضوع القالوصة من حيث الامان لان القالوصة اذا ما كانت آمنه ممكن تسبب حوادث الله يحفظ الجميع.
بالعكس يا اخوي انفنتي ردك ايجابي وانا لا افرض كلامي بالعكس انا وضعته للفائده
وان كان حد جرب هذا المحل او له خبره في القالوصه يعطينا رايه
واذا فعلا الاخوان يشوفون ان القالوصه تعبانه انا عاطيه عربون 200 ممكن اتنازل عن العربون ونشوف غيره
لكن انا بنيت كلامي على باقي المحلات بعد ما شفت باقي الشغل الموجود
والريال يضمن القالوصه وثباتها على سرعة 160
انا اوافقك الرأي أخوي infinity وعلى قول المثل اعطي الخبز لخبازه حتى لو أكل نصه
وعلى فكره عمود التواير على حسب كلامه يستخدم عمود كرولا وهذا كان واضح في شكل القالوصه مب بيب حديد مثل باقي الهنود والبكستانيه
اسمحلي يخويه كم صارله يسوي تريلات هذا !!!!
واذا يستعمل عمود التواير مال الكرولا كم طلعت التريله !!! ما حيد قطع الفطيم رخيصه عشان الاخ يستعمل عمود كرولا يخويه لاتصدق كل شي !!
السموحه يخويه بس واضح من تصميم التريله و التواير ما في اي تناسق !
بالتوفيق !!!
يخويه الشغل ابداع ويوم تشوف شركه يكون عندها ابداع في التصاميم تعرف انه شركه جيده !!
وهذا الدليل
بالنسبه لي اشوف ماستر تريلا شغلهم مرتب ثاني شي الشغل مب تريلات وبس فيها مقاسات وشغلات كثيره اي حداد ممكن يسويلك تريله بس شوفهم في الشوارع وحده فوق وحده تحت مافي اي ميزانية وثاني شي يمشي 100 تشوف التريله تلعب !!!
يخويه احنا نشتري دراجات من 20000 لين 30000 ونستبخل على فرق 100 او 500 !!
وهذا راي!!
السلام عليكم
برد على الموضوع وليس لي مصلحه لاني كنت اسال عن محل تفصيل قالوصه قبل يومين وطلبت يكون شغله ممتاز
وما قصر احد الاخوان حاول مساعدتي لكن لم اجد المحل الذي يتكلم عنه وخلال بحثي في صناعية عجمان وبعد ما شفت كذا محل
وقع اختياري على محل اعتقد صاحبه سوري الصراحه قالوصته ممتازه ولا تفرق عن ماستر تريلا كثير لكن السعر فرق كبير
فصلت قالوصه قياس دراجتين رابتر + صندوق + علاقين واحد جريكن البترول والثاني جريكن ماي للغسيل والسعر كان حلو وفرق عن ماستر تريلا
وعلى فكره عمود التواير على حسب كلامه يستخدم عمود كرولا وهذا كان واضح في شكل القالوصه مب بيب حديد مثل باقي الهنود والبكستانيه
وانا لين الحين ما استلمت القالوصه اليوم ساير له وقالي يبغيله يومين
صورت المحل والقالصوه لفايدت الاخوان والله مالي مصلحه
اخليكم مع الصور
http://binsaif.googlepages.com/_DSC0580.JPG
http://binsaif.googlepages.com/_DSC0581.JPG
http://binsaif.googlepages.com/_DSC0587.JPG
http://binsaif.googlepages.com/_DSC0589.JPG
http://binsaif.googlepages.com/_DSC0583.JPG