مساكم الله بالخير جميعا
من فترة شفت اعلان لاحد الاخوان كان يسأل فيه عن قالوصة للدراجات أو للامتعه فحبيت اليوم اشارك معاكم ما توصلت إليه
صارلي أكثر من شهرين وأنا أدور على قالوصة للامتعه ومريت على أكثر المحلات اللي يفصلون قواليص بعجمان ولقيت بس شركتين متخصصين في القواليص الاولى ( ماستر تريلا ) والثانية ( امارات تريلا ) والشركتين ماعليهم كلام بس عن نفسي فضلت الشركة الثانيه.
يا اخوان لازم الواحد فينا يوم يفكر يشتري قالوصة يفكر باشياء كثيرة منها الامان والمتانه ومدة الاستخدام وهذا اللي بتحصلوه في الشركتين اللي ذكرتهم لكم واكيد حابين تعرفوا ليش فضلت الشركة الثانيه طبعا هذا رايي الشخصي بصراحه لقيت انه الشركه الثانية اسعارهم منطقية اكثر من الاولى ممكن تكون نفس الاسعار أو أغلى بس على الشغل اللي يعطونك اياه يستاهلون لانهم يفصلون على طلبك والمواد اللي يستخدموها تتحمل اي وزن وبأي ظروف وتقدر تمشي فيها بسرعات عالية بينما الشركة الاولى بس تفصل الفيبر جلاس ووعندهم أشكال معينه يجبروك انك تاخذ وحده منها والاهم انها ماتتحمل اوزان ثقيله.
السموحة على الاطالة في الموضوع بس حبيت اني انبه الاخوان انهم ما يسترخصون ويستهينون بموضوع القالوصة من حيث الامان لان القالوصة اذا ما كانت آمنه ممكن تسبب حوادث الله يحفظ الجميع.
شكرا علي المعلومه انفنتي وما قصرت.
وانا قلتلكم سبب تفضيلي لامارات تريلا لانها تحمل اوزان اكثر ومب مصنوعه كامل من الفيبر جلاس انا اتكلم عن القالوصه الخاصة بالامتعه
كم كلفك،،،،،،،،،،،؟؟؟؟
اشكرك يخويه
بس يمكن انته ما تعرف الشركه زين صاحب المستر و الامارات كانو شركاء وانفصلو من تقريبا 10 سنوات لاني سالت الشباب صاحب الامارات عطاها هنود يديرون الشركه بس صاحب الماستر راعي البلاد وهو الي يصمم ويشرف !
شوف يخويه بن سيف انا اتعامل مع هاي الشركه من زمان والي الصراحه اقنعني وهذا راي !!
كنت مفصل تريله جيت سكي من 5 سنوات طلب خاص كلفت تقريبا 3000 منى صدق اقتنعت بالتريله كنت ساحب الجيت سكي مره من عيمان لين بوظبي اخرى الليل لين بوظبي ذاكر انه ساحب اتريله
التيلفون و التعب نسيت انه ساحب تريله والله اني تقريبا مشيت 160 واجاوز وناسي انه وراي تريله متى لين مطبات الشهامه طاف الموتر وضغط عليه نقزت التريله اذكرت هذيج الساعه انه ساحب تريله !!
الصراحه من هذاك اليوم قلت ما اخذ غير من عندهم يخويه شوف التريلات في الشارع مالها خص بالتريلات بس الشباب يسترخصون ما يعرف انه هذي ممكن تجلب السياره لو صار ما صار !!
احنا 5 سيارات وخمس درجات ويا التريلات ندخل البر تقريبا 3 كيلو وتعرف البر اليوم الطير التريله من كثر الدعس عشان ما تغرز السياره و الحمدالله ولا ستوى شي بالتريلات وكلهن من ماستر تريلا !!
و السموحه هذا راي !
اخوي بن سيف هذي القالوصة اللي انت موصورها وغيرها من القواليص كلهم انا شفتهم وسالت عنهم ويوم كنت أطلب من صاحب المحل انه يغيرلي فيها شوي أو ليش هذا طوله كذا هل ممكن نغيره كان ردهم واحد تقول مبرمجين بس هذا الموجود ما نقدر نسوي غيره ومثل ما قال اخونا انفنتي ما لازم نسترخص في مثل هذي الامور