مساكم الله بالخير جميعا
من فترة شفت اعلان لاحد الاخوان كان يسأل فيه عن قالوصة للدراجات أو للامتعه فحبيت اليوم اشارك معاكم ما توصلت إليه
صارلي أكثر من شهرين وأنا أدور على قالوصة للامتعه ومريت على أكثر المحلات اللي يفصلون قواليص بعجمان ولقيت بس شركتين متخصصين في القواليص الاولى ( ماستر تريلا ) والثانية ( امارات تريلا ) والشركتين ماعليهم كلام بس عن نفسي فضلت الشركة الثانيه.
يا اخوان لازم الواحد فينا يوم يفكر يشتري قالوصة يفكر باشياء كثيرة منها الامان والمتانه ومدة الاستخدام وهذا اللي بتحصلوه في الشركتين اللي ذكرتهم لكم واكيد حابين تعرفوا ليش فضلت الشركة الثانيه طبعا هذا رايي الشخصي بصراحه لقيت انه الشركه الثانية اسعارهم منطقية اكثر من الاولى ممكن تكون نفس الاسعار أو أغلى بس على الشغل اللي يعطونك اياه يستاهلون لانهم يفصلون على طلبك والمواد اللي يستخدموها تتحمل اي وزن وبأي ظروف وتقدر تمشي فيها بسرعات عالية بينما الشركة الاولى بس تفصل الفيبر جلاس ووعندهم أشكال معينه يجبروك انك تاخذ وحده منها والاهم انها ماتتحمل اوزان ثقيله.
السموحة على الاطالة في الموضوع بس حبيت اني انبه الاخوان انهم ما يسترخصون ويستهينون بموضوع القالوصة من حيث الامان لان القالوصة اذا ما كانت آمنه ممكن تسبب حوادث الله يحفظ الجميع.

18 thoughts on “هام جدا للي يسأل عن قالوصة”

  2. يا شباب انا ابا افصل وحده حق البانشي (دراجه وحده) فل سافتي وتكون شكله حلو من عند ماستر تريلا كم بيكون سعرها تقريبا؟؟

  3. ولا يهمك بحطلك الرقم باجر الصبح لانه مب عندي الحين وبخصوص موقعهم في الجرف هم بوصفولك اياه

  4. اخ بزنس مان ممكن تفيدنا وين مكان ايمرات تريلا في عجمان اي صوب يعني وكم سعر القالوصه تقريبا يعني شي تقديري اذا عندك فكره ولو سمحت اذا تعرف رقم التيلفون حطه اهني

  5. اخ غريب كلفني 2200 درهم حق دراجتين رابتر بس ياخوي انا ما عندي خبره في هالموضوع اشوف الشباب ما يمدحون فيه وخوفوني صراحه لذالك تاكد
    مع ان الفكره عموما مش اختراع كلها نفس القياسات وتلحيم فقط باقي نتاكد من الجوده وانا الصراحه شفتها وعجبتني وكان باين من اسلوبه انه يمشي على تصاميم معينه يعني ما يقدر يضيف شي جديد كانهم ماشين على تصاميم مجربه من قبل

    لاني طلبت منه يكون دخول الدراجه من جهتين وقال ما يستوي
    يعني كنت ابغي دراجه تدخل من الخلف ودراجه من الجنب لكنه تم يقول راح تكون عريضه والتصميم المعروض هو الصح والسليم

    ما ادري انت شوف

Comments are closed.