السلام والرحمه وبركاته
بغيت اتخبركم عن رجل هاجر زوجته اكثر من 10 سنوات تقريبا عمره تقريبا 40 سنه
وما يصرف لا عالبيت ولا عاولاده وعنده اولاد يشتغلون راتبهم للبيت ومصروفهم لاخر الشهر
وهو يشتغل بس راتبه له بروحه
واذا ينطلب منه شي للبيت كل بنزاعه وحشرة ويسوي زوبعه وماعندي شي
الاولاد بييبون للبيت ويظهر مكسر وراه الابواب
ساكن فالبيت بس رقاد وبغرفه بروحه داخل وطالع يقفلها
بغيت اعرف هل يقدرون يظهرونه من البيت بشكل قانوني
لانه كذا مره ينصحونه وماشي فايد اكثر عن 3 و5 مرات يحاولون معاه يصلح نفسه وماشي فايده
لا حياة لمن تنادي ما يسمع لحد رمسه لا من امه يطول بعمرها ولا من اخوانه ولا غيرهم
لا صلاه ولا غيره وسفر بالاسابيع والشهور وسهر برع البيت وشرب الكحول ومرافقة النساء
شي يقهر يسلمون عليه ما يرد
وكل شي فيه يقهر
ممكن تفيدوني بشي
والسموحه
سألت محامي عن هالموضوع و قال تقدر الزوجة تطلب من المحكمة تطليقها للضرر و الشقاق (هجره لها اكثر من 10 سنوات + رفضه الصلح + شربه الكحول + امتناعه عن الانفاق على البيت و على الأطفال ان كانو موجودين و غير عاملين) و راح تكون القضية من صالحها .. و بيطلع هو من الفول بلا حمص مثل ما يقولون .. و البت بيكون لها 100% و بيلزمونه بالنفقة اللي تدفع عن طريق المحكمة شهريا لزوجته و ابنائه الغير عاملين .. لا واذا طلبت بعد يعطيها نفقة عن السنين الماضية بأثر رجعي القاضي ان شاء الله بيحكم لصالحها .. .. هذا كلام المحامي و الله من وراء القصد