هذا الرقم رخيص .. وهذا الرقم غالي .. (للنقاش)

9 thoughts on “هذا الرقم رخيص .. وهذا الرقم غالي .. (للنقاش)”

1. السلام عليكم….

   و الله يا حبيب كلامك منطقي و لكن أشوفه محصور فقط على نطاق المنتدى.. هذا سوق و في القوي و الضعيف يعني إذا تبى تحكم الأسعار لازم نكبح إرتفاع الأسعار في المزادات اللي تنظم بشكل رسمي…

   السؤال هل هذا ممكن؟؟؟

   يعني عمليات البيع و الشراء كلها واقفة على نهاية المزادات..
   من يخلص المزاد على طول كل الأرقام المعروضة سواء في المنتدى أو غيره ترتفع اسعارها لأسعار يا ريت تكون نفس اللي المزاد.. لا أكثر من المزاد ب 10% إلى 15% …

   و هذا ينطبق على العقار و غيره و غيره من أنواع التجاره ما عدا الأسهم….

   و هذي مجرد وجهة نظر..

2. السلاااام عليكم,,,

   أول شي مساكم الله بالخير,,

   صح كلامك يا أخوي حبيب الكل ,, ويزاك الله ألف خير ومعاك في كل كلمه قلتهااا

   ياريت من الأخوان يتفهمون الموضوع ويقرون بعنااايه,,

   لأن صدق فيه أرقام تنعرض بأسعار خياليه وهي ماتسوى شي وهذا اللي نشوفه في المنتدى,,

   ياجماعة الخير نحن كلنااا أخوان وحبيب الكل يبااا مصلحتنااا وماقال هذا الكلام وكتب من فراغ,,

   وأقول لكل واحد يباا يبيع رقمه “القناعة كنز لايفنى”,, بيع وخلص ولو حتى بفايده قليله بس مايتم الرقم طايح في جبدك ماتحصل لك شراي,, والواحد مايستوى تاجر في يوم وليله,, وكل شي خطوه بخطوه,,

   ولكم مني أجمل تحيه,,
   ,,
   ,

   مشكور اخوي على الكلام الجميل _ واتمنى ان تكون لك عوده فالموضوع _
   ومثل ماقلت القناعة كنز لايفنى
   حط السعر الي يناسب السوق لاتحط غالي ولا رخيص حط
   سعر معقول ولاتنسى انه هناك مناااااافسين
   انت اتقول نهائي غيرك يقول قابل للتفاوض

3. الحين السالفة ان فيه ناس تشتري الأرقام غالية….واكيد لما تفكر تبيعه بتبيعه بسعر اعلى يعني يبون يستفيدون

   عشان جي تحصل الاسعار المب معقولة للأرقام
   ولا مافبه مبرر لغلاء اسعار الارقام بهاي الطريقة

   فيه ناس ما تهمها وتشوف الاسعار عادية
   بس العاقل ما بيشتري رقم بسعر خيالي

   وبعدين حرام هالشيء…الشخص يعتبر سفيه لما يخسر فلوسه على رقم…لنه هذا مجرد رقم، حــديده….ويعتبر من الكبر….والشخص ما بيدخل الجنة لو في قلبة ذرة كبر…فمابالك باللي يتسلفون عشان يشترون رقم وكل همهم التكبر

   الله المستعان

   والسموحة

   شكر على مداخلتك اخوي ..
   اخوي الي يشتري الرقم بسعر غالي هذا
   اكيد مابياخذه للتجاره هذا اكيد يبا الرقم للاستخدام
   الي يبا يدخل تجارة الارقام المفروض يعرف الاسعار
   عدل وبعدين يدخل ويكون قادر على تثمين اي رقم
   ينعرض عليه في خلال ثواني ويكون عارف السوق لانه اذا دخل في تجارة الارقام
   بتييه اتصالات ويسالونه عدنا رقم للبيع مثال 2662
   كم تاخذه يقول 100,000 !!! والرقم برع ينباع بـ 75,000
   والي يشتري غالي ويبا يبع اغلى هذا الله يكون في عونه والله ويصبره
   ولي يتسلف عشان يشتري رقم والله مادري شو اقول عنه

4. حبيب الكل وان شالله تكون على طول حبيب للكل ….. عيبني كلامك وعيبتني صراحتك في موضوعك اللي فيه مصلحه للجميع …واتمنى لك التوفيج ولجميع الاعضاء في المنتدى اللي جمع الصغير قبل الكبير ويزاهم الله كل خير في توفير احتياجاتنا وطرحها والتعبير عنها بكل شفافيه واحترام واللي تخدمنا في جميع الظروف ……
   بس حبيت اعرف شو سبب طرحك للموضوع …. عسب الواحد يستفيد اكثر ويفيد وما يكرر اي خطأ اذا فيه اخطاء او قصور او ستغلال او كذب او نصب واحتيال او مجاملات مالها اي مبرر او داعي او تشويه او والخ …..
   اعيد واكرر يا حيب الكل … اني شخصيا اتقبل النقاش والاعتراض من اي شخص واحب اسلوب التفاهم والحوار بين جميع الاطراف ..
   وفي الاخير تقبل مني كل احترام …. ولجميع الاخوة الاعضاء اطيب احترام وتقدير

   **” أمير الود “**

   والله انك عزيز وغالي ..
   اخوي نحن تجار صغار مايالسين نلعب بالملايين شرات الهوامير ..
   انا طرحت هالموضوع لانه في ناس يالسه تعرض اغلى عن السوق ابوايد باسعار خياليه
   وفي تجار جدد يشوفون الاسعار فووق يقولون نحن بنشتري شوي ارخص وبنبيع
   شرات الي معروض مايدرون المعروض غالي ابوايد
   شراتك انت اخوي كنت عارض خماسي ثنائي بـ 20000 الي مايعرف السوق
   اذا حصل خماسي ثنائي بـ 15000 بياخذه عشان يبيعه بـ 20000 مثلك مايدري انه
   فالسوق برع سعره من 12000 الى 15000 يعني التاجر المفروض يعرف الاسعار وياخذه تحت ..

   وطرحي للموضوع لاخذ الخبره ترى اعرف واايد ناس اشتروو
   ارقام وفالمنتدى معانا ومب قادرين يبيعونها حتى ابراس مالهم
   وفي ناس باعوو ابخساره _

   وللحديث بقيه ان شاء الله

Comments are closed.