السلام عليكم
هل سالك للتعرفة المرورية مفعل على جسر المكتوم؟
لأني من يومين بس شفت ال Salik Tag
على اول الجسر في الروحة والرجعه
بس مب متأكده اذا يحسب او لا؟
وليش ما خبرونا ؟
وسؤال اخير …… ماخليت اسئلة ^^
على شو بنمر لو المكتوم المنفذ الوحيد حطوله سالك
مابقى الا الشندغة وشارع الامارات وهذيلا بعد قريب بيحطونهم
لين هاك الوقت بيسوون سبعين شارع عشان يحطون عليها البوابات .. الحين الشوارع مع شارع فريجنا 66 شارع
منو قال اخوي؟؟؟
جرب العصر وانت رايح لديره من الجسر الرابع على شارع الشيخ زايد اللي عليه سالك … وجرب تروح من شارخ الخيل اللي ببلاش وشوف على اي درب بتوصل اسرع …
اخوي بسالك سؤال .. تقول هدف هيئة الطرق تخفيفه الزحمه … وقلت الدليل سالك وترخيص السيارات للي كملت عشرين سنه
حاول وانت في الشارع تلتفت وادور اي سياره موديلها قبل 88 .. وحده والا هنتين .. يعني هالسيايير هي اللي مسببه الزحمه؟ لو يبون صدق يخفون الزحمة كانوا تشددوا بمساله التراخيص للسيارات الجديده وما يمنحون الترخيص لكل من هب ودب .. لكن السالفه فيها ضغط من قبل الوكالات والتجار من صوب .. وفيها ان التسجيل بينفع هيئه الطرق وخصوصا بعد الزياده اللي بيحطونها على التسجيل …
يعني باختصار الهدف من قرار عدم ترخيض السيارات اللي طوفت عشرين سنه هدفه تجميل شكل المدينه فقط ..
اما سالك وما ادراك ما سالك
لو تجاوبني على سؤال واحد بقتنع ان سالك هدفه تخفيف الزحمه
ليش البوابات الالكترونيه تشتغل 24 ساعه؟ الساعه 2 فالليل اي زحمه بتلقاها؟
الله يرحم ايام بلديه دبي .. لما سوت مواقف السيارات بفلوس سوتها لهدف بدليل ان بعد الساعه ثمان ما في رسوم .. وفي الاجازات مافي رسوم .. يعني كان هدفها توفير المواقف للي محتاجينها .. واتوقع لو سالفه المواقف برسوم بدت من ايام الهيئة كات بتكون بفلوس 24 ساعه .. لكن الحمدلله انها طلعت على ايام البلديه …
وشهــر 9 ..بيتفعـل جسر الصفا ..وجسر المكتــوم ….
والخطــه المستقبليه واللي وصلتني من احد الربع في الهيئه تقول …
بانه خلال الثلاث _ الاربع السنــوات القادمه …
بيكون مجمـل شوارع دبي المركب عليها سالك هو
65 _70 شارع فــقط لا غيــــــــــر …..
والسوال المحيرني ..وين فيه عنا بدبي 70 شارع حيوي ..!!!!!
في نااس مع الموضوع وفي نااس ضد الموضوع ..
انا اروح بوظبي كل يوم او فلسبوع مرهـ ومر عشارع الشيخ زايد
اول زحمه موت الحينه خفت الزحمه
ادفع 4 دراهم ولا اني اوقف فلزحمه ساعه ونص
ادفع 4 دراهم ولا اوقف عجسر المكتوم ساعه عشان اوصل الغرير او شارع البنوكـ
ادفع 4 وانا مرتاااح بالي اوصل المكان اللي اريدهـ بسرعهـ ومكيفـ ,,
الحكومه ماتبا فلوس ..
الحكومه تبا تخف الزحمه
الحكومه منعت المواتر اللي عمرها اقل عن 15 او 20 سنه مش عشان شكلها او تبا تكااسي
قصدي رنجاااتـ ..
عشان تخف الزحمه
الجو يكون صحي ,,
فكرو بمنطق ..
اللي مايبا يدفع يروح شارع الامارات
يروح معبر الخليج وينقع فلزحمهـ بعدين بيقول ليتني ادفع 4 ولا اخيس
الله يرحمنا برحمته !!!